શેરબજારમાં હાહાકાર, સેન્સેક્સ 600 પોઇન્ટ તૂટ્યો, રૂપિયો પણ 91 પૈસા કમજોર
ડોલરને મુકાબલે રૂપિયો સતત નીચે ગગડી રહ્યો છે. રૂપિયો ગુરુવારે 57 પૈસા ગગડીને 73.91 રૂપિયા પ્રતિ ડોલર પર પહોંચી ગયો હતો.
ડોલરને મુકાબલે રૂપિયો સતત નીચે ગગડી રહ્યો છે. રૂપિયો ગુરુવારે 57 પૈસા ગગડીને 73.91 રૂપિયા પ્રતિ ડોલર પર પહોંચી ગયો હતો. ડોલરને મુકાબલે રૂપિયો અત્યારસુધીના તેના સૌથી નીચલા સ્તરે પહોંચી ગયો છે. બુધવારે પણ રૂપિયામાં ઘટાડો જોવા મળ્યો હતો જયારે તે 43 પૈસા ગગડીને 73.34 પ્રતિ ડોલર પર બંધ થયો હતો. એટલું જ નહીં પરંતુ સેન્સેક્સમાં ફરી મોટો કડાકો જોવા મળ્યો છે.
સેન્સેક્સ ગુરુવારે 604 પોઇન્ટ તૂટીને 35,370.89 પર ખુલ્યો જેને કારણે શેરબજારમાં અફરાતફરી મચી ગયી. જયારે નિફટી પણ 136 પોઇન્ટ ગગડીને 10,722.15 પર પહોંચી ચુકી છે. બુધવારે સેન્સેક્સ 550 પોઇન્ટના કડાકા સાથે 36 હજારની નીચે આવી ગયો હતો. બુધવારે સેન્સેક્સ 35,975.63 પર બંધ થયો હતો જયારે નિફટી 150.05 પોઇન્ટ ગગડીને 10,858.25 પર બંધ થઇ હતી.
આ પણ વાંચો: SBIના ગ્રાહકો માટે ખાસ ખબર, હવે 20 હજારથી વધુ રૂપિયા નહિ ઉપાડી શકો
આ વર્ષે ડોલરના મુકાબલે રૂપિયામાં 14 ટકાનો ઘટાડો જોવા મળ્યો છે. ક્રૂડની કિંમત વધવાથી, ટ્રેડ વોર, કેડ વધવાની આશંકા, ડોલરમાં મજબૂતી, અને રાજનૈતિક અસ્થિરતાને કારણે રૂપિયા પર દબાણ સતત વધી રહ્યું છે. આવનારા દિવસોમાં પણ રૂપિયામાં સુધારો થાય તેવું નથી દેખાઈ રહ્યું.
આ પણ વાંચો: કયા દેશમાં વેચાય છે સૌથી મોંઘુ પેટ્રોલ?
જયારે રૂપિયામાં થતા ઘટાડાને કારણે તેલ કંપનીઓને વિદેશથી તેલ મંગાવવા માટે ભારે કિંમત ચૂકવવી પડી રહી છે. તેને કારણે પેટ્રોલ અને ડીઝલની કિંમતોમાં વધારો થવાની આશંકા વ્યકત કરવામાં આવી રહી છે. બેન્કિંગ, ઓટો, એફએમસીજી, ઓઇલ એન્ડ ગેસ અને પાવર સેક્ટર શેરમાં ભારે ઘટાડો જોવા મળી રહ્યો છે.