• search
For Quick Alerts
ALLOW NOTIFICATIONS  
For Daily Alerts

ભારતે કાશગન ઓઇલ ફિલ્ડ ગુમાવ્યું, ચીને બાજી મારી

|
Google Oneindia Gujarati News

નવી દિલ્હી, 3 જુલાઇ : ભારતના હાથમાંથી કઝાકિસ્તાન સ્થિત કાશાગન તેલ ક્ષેત્ર નીકળી ગયું છે. આ ઓઇલ ફિલ્ડ હવે ચીનની ઝોળીમાં પડ્યું છે. કઝાકિસ્તાન સરકારે તેલ અને પ્રાકૃતિક ગેસ નિગમ (ઓએનજીસી) દ્વારા આ ઓઇલ ફિલ્ડમાં કોનોકોફિલિપ્સની હિસ્સેદારી ખરીદવા માટે લગાવવામાં આવેલી 5 અબજ ડોલરની બોલીને રોકી દીધી છે.

ઓએનજીસીની પહેલાની માલિકીવાળા ઓએનજીસી વિદેશે ગયા વર્ષે નવેમ્બરમાં કઝાકિસ્તાનના સૌથી મોટા ઓઇલ ફિલ્ડ કાશાગનમાં કોનોકોફિલિપ્સની 8.4 ટકા ભાગીદારી ખરીદવા માટે 5 અબજ ડોલરની બોલી લગાવી હતી.

કઝાકિસ્તાને કાયદા અનુસાર સરકારને આ વિસ્તારમાં હિસ્સેદારીના વેચાણ કોઇ અન્યને કરતા પહેલા નકારવાનો અધિકાર પ્રાપ્ત છે. આ કાયદા અંતર્ગત કઝાકિસ્તાન ભાગીદારીને એ જ કિંમતે ખરીદી શકે છે જે કિંમતે અન્ય પક્ષ પર સહમતિ બની છે.

કઝાકિસ્તાન સરકારે પોતાના આ અધિકારનો ઉપયોગ કરીને અમેરિકાની કંપની કોનોકોફિલિપ્સમાં હિસ્સો ખરીદવાનો નિર્ણય કર્યો છે. કઝાકિસ્તાનની રાષ્ટ્રીય તેલ કંપની કાજમુનાઇગેજ ક્ષેત્રમાં કોનોકોફિલિપ્સની 8.4 ટકા હિસ્સેદારી ખરીદશે. ત્યાર બાદ 5.3 અથવા 5.4 અબજ ડોલરમાં ચીનને વેચી દેવામાં આવશે.

ઓએનજીસીને આ ક્ષેત્રના અન્ય ભાગીદારો પાસેથી કોનોકોફિલિપ્સની ભાગીદારી ખરીદવા પર સહમતિ મળી ગઇ હતી. પરંતુ કઝાકિસ્તાન સરકાર પાસે આ સોદાના મંજૂરી આપવા માટે જુલાઇ સુધીનો જ સમય હતો. કાશાગન ઓઇલ ફિલ્ડના અન્ય ભાગીદારોમાં ઓક્સોન મોબિલ, રૉયલ ડચ શેલ, ઇટાલીની ઇએનઆઇ, ફ્રાન્સની ટોટલ અને કાજમુનાઇગેજ એમ તમામ પાસે 16.8 ટકા ભાગીદારી છે. જ્યારે જાપાનની ઇપેક્સ કાપરે પાસે તેની 7.56 ટકા ભાગીદારી છે.

English summary
Kashagan oil field out of the hands of India, China has got it
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X