• search
For Quick Alerts
ALLOW NOTIFICATIONS  
For Daily Alerts

કેરીનું ઉત્પાદન 20 ટકા ઘટ્યું, ભાવ વધશે

|
Google Oneindia Gujarati News

નવી દિલ્હી, 15 એપ્રિલ : આ વર્ષે કેરી મોંઘી થશે, કારણ કે દેશમાં તેનું એકંદર ઉત્પાદન અંદાજે 20 ટકા ઓછું છે. આનું કારણ એ છે કે કેટલાક રાજ્યોમાં ગયા મહિને પડેલા કમોસમી વરસાદને લીધે કેરીના પાકને માઠી અસર પડી છે.

એસોચેમ દ્વારા પ્રકાશિત અહેવાલમાં જણાવ્યા અનુસાર યુએઈ, બ્રિટન, સાઉદી અરેબિયા, કતર, કુવૈત, બાંગ્લાદેશ તથા અન્ય દેશોમાંથી કેરીની માંગમાં વધારો થયો હોવાથી પણ આ વખતના ઉનાળામાં દેશના ગ્રાહકોને કેરી કદાચ ઓછી ખાવા મળશે.

દેશભરમાં આ વર્ષે કેરીનું ઉત્પાદન ગયા વર્ષના એક કરોડ 80 લાખ ટનની સરખામણીએ 20 ટકા ઓછું થયું છે. જેમાં ગુજરાત, મહારાષ્ટ્ર, આંધ્ર પ્રદેશ, બિહાર અને ઉત્તર પ્રદેશમાં માર્ચના આરંભમાં પડેલા કમોસમી વરસાદને લીધે કેરીના પાકને ખૂબ નુકસાન થયું હતું. કેરીના 50 ટકા જેટલા ઝાડને નુકસાન પહોંચ્યું છે.

ભારતમાં કેરીનું જે કુલ ઉત્પાદન થાય છે તેમાં આ પાંચ રાજ્યોનો હિસ્સો બે તૃતિયાંશ ભાગનો હોય છે.છેલ્લા ત્રણ વર્ષમાં કેરીની નિકાસમાં 27 ટકાનો ઉછાળો આવ્યો છે. વર્ષ 2010-11માં કેરીની નિકાસનો આંક રૂપિયા 164 કરોડ હતો જે 2012-13માં વધીને રૂપિયા 267 કરોડ થયો હતો.

ભારતમાંથી કેરીની આયાત કરતા દેશોમાં યુએઈ પહેલા નંબરે છે. તે ભારતની કુલ કેરી નિકાસમાં 61 ટકા હિસ્સો ધરાવે છે. તે પછીના નંબરે બ્રિટન અને સાઉદી અરેબિયા આવે છે.

English summary
Mangoes are likely to be expensive this year as the country's overall production is estimated to come down by upto 20 per cent because of crop damage in some states due to last month's unseasonal rains.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X