હવે સરકાર આઇસક્રીમ પર સર્વિસ ટેક્સ વસૂલ કરશે
નવી દિલ્હી, 27 જૂન : કેન્દ્ર સરકાર તેમની કરવેરાની આવકમાં વધારો કરવા માટે હવે આઈસક્રીમ ઈન્ડસ્ટ્રીઝ ઉપર સર્વિસ ટેક્સ નાંખવાનું વિચારી રહી છે. સરકારના મત પ્રમાણે આઈસક્રીમ વેન્ડર તમને કોઈ પ્રોડક્ટ નથી વહેંચી રહ્યો, પરંતુ સર્વિસ આપી રહ્યો છે. સૂત્રોના દ્વારા આપવામાં આવેલી માહિતી પ્રમાણે કેન્દ્ર સરકાર દ્વારા આગામી ટૂંક સમયમાં જ આઈસક્રીમ પર સર્વિસ ટેક્સ લગાવવામાં આવશે.
કરવેરા વિભાગના અગ્રણી અધિકારી દ્વારા આપવામાં આવેલી માહિતી પ્રમાણે અમૂલ, વાડીલાલ, ક્વોલિટી વોલ, બાસ્કિન રોબિન્સ, હેવમોર જેવી આઈસક્રીમ કંપનીઓ અને રિટેલ વેન્ડર ગ્રાહકોને સર્વિસ આપે છે. તેથી આ પ્રમાણેની કંપનીઓ પાસેથી ટેક્સ વસૂલવો જોઈએ.
ટેક્સના અગ્રણી અધિકારીઓ કહે છે કે આઈસક્રીમ એર કન્ડિશન સુવિધામાં વેચવામાં આવે છે અને આ વર્ષે બજેટમાં એર કન્ડિશન અથવા સેન્ટ્રલ એર હિટિંગ સુવિધાવાળા રેસ્ટોરાં અને ખાણીપીણીના સ્થળ પર સર્વિસ ટેક્સ લગાવવામાં આવે છે. આઈસક્રીમ એર કન્ડિશન સાધનોમાં રાખવામાં આવતી હોય છે તેથી તેના ઉપર સર્વિસ ટેક્સ લાગવામાં આવે તે સામાન્ય બાબત છે.
સર્વિસ ટેક્સ લાગવાના કારણે આઈસક્રીમ ઈન્ડસ્ટ્રીઝ પર ડબલ ફટકો પડશે. પહેલેથી જ આઈસક્રીમ ઈન્ડસ્ટ્રીઝ પર રો-મટીરિયલના ભાવ વધવાથી દબાણ છે. આ પરિસસ્થિતિમાં કંપનીઓ પર ડબલ ટેક્સનું ભારણ ઉઠાવવાનું મુશ્કેલ છે. આઈસક્રીમ ઈન્ડસ્ટ્રિઝ પર હાલ મેન્યુફેક્ચરિંગ ગુડ્ઝ હોવાના કારણે વેલ્યુ એડેડ ટેક્સ અને એક્સાઈઝ ડ્યૂટી પહેલી જ લગાવવામાં આવે છે.