પેટ્રોલના ભાવમાં થઇ શકે છે 2 રૂપિયાનો વધારો

નવી દિલ્હી, 15 જૂન: ડોલરના મુકાબલે રૂપિયામાં નરમાઇના કારણે પેટ્રોલ અને ડીઝલના ભાવમાં વધારો કરી શકાય છે. સૂત્રોના હવાલેથી મળતી માહિતી મુજબ શનિવારે સાંજે વધારાની જાહેરાત કરવામાં આવશે અને મધરાતેથી નવા ભાવ લાગૂ થઇ જશે.

ઓઇલ કંપનીઓના સૂત્રોના જણાવ્યા અનુસાર પેટ્રોલના ભાવમાં બે રૂપિયા પ્રતિ લિટરે વધારો કરવામાં આવી શકે છે અને ડીઝલ 50 પૈસા મોંધુ બની શકે છે. ડોલરના મુકાબલે રૂપિયો સતત તૂટતો રહ્યો છે. શુક્રવારે એક ડોલરની કિંમત 57.51 રૂપિયા હતી. તૂટતા રૂપિયાના કારણે કાચા તેલની આયાત પહેલાંથી જ મોંઘી પડી રહી છે. જો કે ઓઇલ કંપનીઓ શનિવારે સાંજે કિંમતોમાં વધારાના જાહેરાત કરી શકે છે.

આ પહેલાં 31 મેના રોજ તેલ કંપનીઓએ પેટ્રોલ અને ડીઝલના ભાવમાં ક્રમશ: 75 પૈસા અને 50 પૈસા પ્રતિ લિટરનો વધારો કરવામાં આવ્યો હતો. દિલ્હીમાં અત્યારે પેટ્રોલ 63.99 રૂપિયા પ્રતિ લિટર મળી રહ્યું છે. જો આજે વધારો થયો તો પેટ્રોલના ભાવ દિલ્હીમાં 66 રૂપિયાના આંકડાને પાર કરી દેશે. ડીઝલના ભાવમાં દર મહિને 50 પૈસા પ્રતિ લિટરનો વધારો પહેલાંથી નક્કી છે.

English summary

Oil marketing companies may decide to increase petrol prices by up to Rs 2 per litre in their scheduled meeting on Saturday as the weakening rupee making oil imports costlier.