• search
For Quick Alerts
ALLOW NOTIFICATIONS  
For Daily Alerts

ટપાલ વિભાગે 'પોસ્ટ બેંક' ખોલવાની તૈયારીઓ કરી

|
india-post
નવી દિલ્હી, 21 જૂન : હવે ભારતીય ટપાલ વિભાગે પોસ્ટ બેંક ખોલવાની તૈયારી આરંભી દીધી છે. આ માટે દેશની તમામ પોસ્ટ ઓફિસીસ (ટપાલઘરો)ને કોમ્પ્યુટરાઇઝ્ડ (કમ્પ્યુટરકૃત) કરવા અને તેને કોર બેકિંગ સાથે જોડવા માટે ખાનગી કંપનીઓની મદદ લેવામાં આવી રહી છે.

ટપાલ વિભાગે આધુનિકીકરણ અને બેંકિંગ સેવા માટે ઇન્ફોસિસ, ટીસીએસ, સિફી અને રિલાયન્સ જેવી કંપનીઓ સાથે હાથ મિલાવ્યો છે. વિભાગ 31 ઓગષ્ટ, 2013 બાદ દેશના સાત રાજ્યોમાં 100થી વધારે એટીએમ ખોલીને આ દિશામાં પગલું ભરવા જઇ રહ્યુ છે.

ઉલ્લેખનીય છે કે ભારતીય ટપાલ વિભાગમાં છેલ્લા અનેક વર્ષોથી બચત અને જમાની કેટલીક યોજનાઓ ચાલુ છે. હવે તે પોતાના ગ્રાહકોને તમામ પ્રકારની બેંકિંગ સુવિધાઓ આપવાની તૈયારી કરી રહ્યો છે. એક વાર બેંકિંગ સેવા શરૂ થયા બાદ ટપાલ વિભાગમાંથી પણ હવે લોકોને લોન મળી શકશે.

આ માટે વિભાગ બેકિંગ લાયસન્સ મેળવવા માટેની પ્રક્રિયા હાથ ધરી છે. મહારાષ્ટ્ર સર્કલના મુખ્ય પોસ્ટમાસ્ટરે જણાવ્યું કે ટપાલ વિભાગ બેંક ખોલવાની સંપૂર્ણ તૈયારીમાં છે. વિભાગ દેશભરમાં 1.55 લાખ ટપાલઘરોથી બેંકિંગ જેવું કામ કરે છે, પણ લોનનું કામ થતું નથી. આથી બેંક ચલાવવામાં કોઇ મુશ્કેલી નહીં પડે. જલ્દી બેંકિંગ લાયસન્સ માટે અરજી આપવામાં આવશે. ભારતીય ટપાલ વિભાગની બેંકનું નામ પોસ્ટ બેંક હશે.

પ્રાપ્ત માહિતી અનુસાર વર્ષ 2015 સુધીમાં ટપાલઘરોમાં કોર બેંકિંગ સુવિધા શરૂ થઇ જશે અને 2018 સુધી તમામ ટપાલઘરોમાં એટીએમ મશીન મૂકવાની યોજના છે. ટપાલ વિભાગ સામે સૌથી મોટો પડકાર આધુનિકીકરણનો હતો. જેના માટે 4700 કરોડ રૂપિયાનું વિઝન ઇન્ડિયા પોસ્ટ 2012 યોજના શરૂ કરવામાં આવી અને ખાનગી ક્ષેત્રની આઠ મોટી કંપનીઓને આધુનિકીકરણનું કામ સોંપવામાં આવ્યું છે.

આ યોજના અંતર્ગત આર્થિક પ્રણાલીમાં સુધાર(એફએસઆઇ)ની જવાબદારી ઇન્ફોસિસને રૂપિયા 700 કરોડમાં આપવામાં આવી છે. કોર સિસ્ટમ ઇન્ટીગ્રેટર(સીએસઆઇ)નું કામ ટીસીએસને રૂપિયા 1100 કરોડમાં સોંપવામાં આવ્યું છે. ડેટા સિસ્ટમ અને નેટવર્કના કામમાં રૂપિયા 100 કરોડ ખર્ચવામાં આવશે. તેનો કોન્ટ્રાક્ટ રિલાયન્સને અપાયો છે. જ્યારે નેટવર્કનું કામ સિફીને સોંપવામાં આવ્યું છે.

ટપાલ વિભાગ પોસ્ટ બેંક માટે અલગ કંપની બનાવશે. શરૂઆતમાં પ્રાયોગિક પરિયોજના અંતર્ગત સાત રાજ્યોમાં આ સુવિધાઓ આપવામાં આવશે. જેમાં રાજસ્થાન, આંધ્ર પ્રદેશ, તામિલનાડુ, મહારાષ્ટ્ર, અસમ અને દિલ્હીનો સમાવેશ થાય છે.

English summary
Postal department preparing to open 'Post Bank'.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more