યુરોપની ત્રણ બેંકો પર SEBIની બાજ નજર

મુંબઇ, 12 ઓગસ્ટ : યુરોપની ઓછામાં ઓછી ત્રણ મોટી બેન્ક સામે સેબીએ તપાસ આદરી છે. ભારતમાં સ્ટોક માર્કેટ નિયંત્રક સંસ્થા ‘સેબી'એ ઘડેલા નિયમોનો ભંગ કરીને અમુક ગેરકાયદેસર સોદાઓનો ઉપયોગ કરીને ભંડોળનું કથિતપણે રાઉન્ડ ટ્રિપીંગ કરતી આ બેન્કો ભારતની કંપનીઓ અને વ્યક્તિઓ સાથે વ્યાપાર કરે છે.

એવી શંકા છે કે આ બેન્કોના કેટલાક પોર્ટફોલિઓ મેનેજર્સે તેમના ભારતીય ક્લાયન્ટ્સને વિદેશી ભંડોળને નામે તેમનાં નાણાં ગેરકાયદેસર ઈન્વેસ્ટમેન્ટ મારફત ભારતમાં ગુપ્ત રીતે લાવવામાં મદદ કરી છે.

રેગ્યૂલેટર એજન્સીને ભય છે કે કેટલાક પ્રમોટર્સ એફઆઈઆઈનો જોરદાર સાથ હોવાનું બતાવવા માટે પોતાની કંપનીઓનાં શેરના ભાવ ઉંચકાવવા માટે આવી પ્રવૃત્તિઓમાં સંડોવાયેલા છે. હવે સેબીના અધિકારીઓ ભારત તથા વિદેશસ્થિત અન્ય રેગ્યૂલેટર્સ તથા એજન્સીઓ સાથે સમન્વય કરીને આ કેસમાં તપાસ કરી રહ્યા છે.

જે ત્રણ યુરોપીયન બેન્ક પર શંકા ગઈ છે તેમાંની બે સ્વિટ્ઝરલેન્ડની છે અને એક બ્રિટનની. આ બેન્કો આ કૌભાંડમાં કદાચ સીધી રીતે સંડોવાયેલી નહીં હોય, પણ તેમના કર્મચારીઓ બેન્કોના સત્તાવાળાઓની જાણ બહાર ક્લાયન્ટ્સ સાથે સીધી રીતે વ્યવહાર કરતા હોવા જોઈએ.

English summary

Sebi's sharp watch on Europe's three bank