• search
For Quick Alerts
ALLOW NOTIFICATIONS  
For Daily Alerts

2018માં ભારતનો વિકાસ દર 7.3% રહેશે: વર્લ્ડ બેંક

By Shachi
|

મોદી સરકાર પર દેશની આર્થિક વ્યવસ્થા મામલે અનેકવાર સવાલ થયા છે, એવામાં વર્લ્ડ બેંક તરફથી આ મામલે મોદી સરકાર માટે સારા સમાચાર આવ્યા છે. વર્લ્ડ બેંક દ્વારા વર્ષ 2018માં ભારતનો વિકાસ દર 7.3 ટકા રહેવાનું અનુમાન લગાવવામાં આવ્યું છે. સાથે જ કહેવામાં આવ્યું છે કે, આવનારા વર્ષોમાં ભારત 7.5 ટકાના દરે આગળ વધી શકે છે. બુધવારે વર્લ્જ બેંકે 2018 ગ્લોબલ ઇકોનોમિક પ્રોસ્પેક્ટ રિલીઝ કર્યું હતું, જેમાં આ વાતો કહેવામાં આવી હતી. હાલમાં સેન્ટ્રલ સ્ટેટિસ્ટિક્સ ઓફિસ દ્વારા જાહેર કરવામાં આવેલ આંકડાઓમાં ભારતનો વિકાસ દર ઓછો રહેવાનું અનુમાન લગાવવામાં આવ્યું હતું. એ રિપોર્ટ બાદ વિપક્ષે મોદી સરકારને નિશાન બનાવી હતી. વિપક્ષના સવાલો સામે મોદી સરકારના કેટલાક મંત્રીઓએ પોતાની વાત પણ મુકી હતી, સરકારનો બચાવ કરવા માટે નાણાંમંત્રી પોતે મીડિયા સામે આવ્યા હતા.

India

ભારતની આર્થિક પરિસ્થિતિ અંગે વર્લ્ડ બેંકનું કહેવું છે કે, આ સરકારમાં થઇ રહેલ વ્યાપક સુધાર ઉપાયો સાથે ભારતમાં બીજા દેશોની અર્થવ્યવસ્થાઓની સરખામણીમાં ઘણી વધારે વિકાસ ક્ષમતા છે. આવનારા બે વર્ષોમાં ભારત 7.5 ટકા દરથી આગળ વધી શકે છે. વર્લ્ડ બેંકના ડેવલપમેન્ટ પ્રોસ્પેક્ટ્સ ગ્રુપના ડાયરેક્ટર આઈહન કોસેનું કહેવું છે કે, આવનારા વર્ષોમાં ભારત દુનિયાના કોઇ પણ અન્ય દેશની સરખામણીએ ઉચ્ચ વિકાસ દર મેળવવા જઇ રહ્યું છે. વર્લ્ડ બેંકે અન્ય દેશોની સરખામણીએ ભારતમાં મહિલા શ્રમની ભાગીદારી ઓછી હોવાની વાત કહી છે. બીજા દેશોમાં જ્યાં મહિલાઓ કામ કરે છે, ત્યાં ભારતમાં કામ કરતી મહિલાઓની સંખ્યા ઘણી ઓછી છે. વર્લ્ડ બેંકના ડેવલપમેન્ટ પ્રોસ્પેક્ટ્સ ગ્રુપના ડાયરેક્ટરનું કહેવું છે કે, મહિલા શ્રમની ભાગીદારી વધારીને ઘણો મોટો ફરક ઊભો કરી શકાય છે.

English summary
World Bank says India has huge potential, projects 7.3% growth in 2018.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more