લક્ઝરી લાઈફ જીવી રહ્યો છે ભિખારી, મુંબઈમાં ફ્લેટ, બિઝનેસમાં લગાવ્યા છે લાખો રુપિયા

India Richest Beggar Bharat Jain: જ્યારે લોકો 'ભિખારી' શબ્દ સાંભળે છે ત્યારે તેમના મગજમાં એક જ ચિત્ર ઉભરે છે. ફાટેલા કપડા, દયનીય જીવન, ના રહેવા માટે ઘર, ના ખાવા માટે યોગ્ય ભોજન. જો કે, તમને જાણીને નવાઈ લાગશે કે કેટલાક લોકો એવા પણ છે જેઓ ભીખ માંગવાને એક આકર્ષક વ્યવસાયમાં ફેરવી નાખ્યા છે.

મુંબઈનો રહેવાસી ભરત જૈન માત્ર ભારતમાં જ નહીં પરંતુ વિશ્વના સૌથી અમીર ભિખારીઓમાંનો એક છે. તેની પાસે કરોડોની સંપત્તિ છે. 54 વર્ષીય ભરત જૈન છેલ્લા 40 વર્ષથી મુંબઈમાં ભીખ માંગે છે. ભરત જૈન મુંબઈના છત્રપતિ શિવાજી મહારાજ ટર્મિનસ અથવા આઝાદ મેદાનની આસપાસ ભીખ માગતો જોવા મળે છે.

ટાઈમ્સ ઓફ ઈન્ડિયાના એક અહેવાલ મુજબ, ભરત જૈન લગભગ 10થી 12 કલાક ભીખ માંગીને 2,000થી 2,500 રૂપિયાની કમાણી કરે છે. ભીખ માંગતો હોવા છતાં, ભરત જૈનની આર્થિક સ્થિતિ ઘણી સારી છે, તેની કુલ સંપત્તિ લગભગ 7.5 કરોડ રૂપિયા છે.

એટલું જ નહીં, ભરત જૈન તેના પરિવાર સાથે મુંબઈના પરેલ વિસ્તારમાં 2 BHK ફ્લેટમાં રહે છે, જેની કિંમત લગભગ 1.2 કરોડ રૂપિયા છે. ઘર સિવાય, તેની પાસે થાણેમાં બે દુકાનો છે, જેમાંથી તે દર મહિને ભાડા તરીકે 30 હજાર રૂપિયા કમાય છે. સ્ટેશનરીની દુકાન પણ છે.

તેના બાળકો કૉન્વેન્ટ સ્કૂલમાં અભ્યાસ કરે છે. આ ઉપરાંત ભરત જૈને એક-બે વ્યવસાયમાં પણ નાણાં રોક્યા છે, જે તેની સંપત્તિમાં વધુ ફાળો આપે છે. ભરત જૈને અત્યાર સુધી ભીખ માંગીને કરોડોની સંપત્તિ એકઠી કરી છે. જો કે, તેના પરિવારના સભ્યો દ્વારા વારંવાર ના પાડવા છતાં, ભરત જૈન ભીખ માંગવાનું બંધ કરતો નથી.

English summary

India's richest beggar Bharat Jain living luxury life, has flat in Mumbai, invested lakhs rupees in business.