B'day: જાણો રાહુલ ગાંધીની જિંદગીના 14 Fact

By Kumar Dushyant

Updated: Thursday, June 19, 2014, 11:36 [IST]

દેશના યુવા નેતા રાહુલ ગાંધી આજે પોતાનો 44મો જન્મદિવસ ઉજવી રહ્યાં છે. 19 જૂન 1970માં નવી દિલ્હીમાં રાહુલ ગાંધીનો જન્મ થયો હતો. તે રાજીવ ગાંધી અને સોનિયા ગાંધીનું પ્રથમ સંતાન છે. બહેન પ્રિયંકા રાહુલ ગાંધી કરતાં બે વર્ષ નાની છે. પોલિટિકલ પરિવારમાં જન્મેલા રાહુલ ગાંધી બાળપણથી જ પોતાની દાદી ઇન્દિરા ગાંધીની ખૂબ નજીક હતા.

દેશમાં તાજેતરમાં યોજાયેલ લોકસભાની ચૂંટણીમાં ભલે રાહુલ ગાંધીનો જાદૂ ચાલી શક્યો નહી, પરંતુ આજે પણ તે દેશના યુવા નેતાઓ માટે પ્રેરણા સ્ત્રોત છે. યૂપીમાં પિતાની સીટ અમેઠીથી ચૂંટણી લડનાર રાહુલ ગાંધી સંભવત: પહેલાં એવા નેતા છે જેમણે કોંગ્રેસ પાર્ટીમાં આવવા માટે લોકોના ઇન્ટરવ્યું લીધા. કોંગ્રેસની યુવા પાંખમાં આ સિસ્ટમ લાગૂ કરવામાં આવી હતી.

પિતા રાજીવ ગાંધીની માફક રાહુલ ગાંધી પણ રાજકારણમાં આવવા માંગતા ન હતા. 2004માં પહેલીવાર પાર્ટીનો ચહેરો બન્યા. ત્યારથી અત્યાર સુધી રાજકારણમાં સક્રિય છે, પરંતુ તેમના દમ પર કોંગ્રેસ પાર્ટીને અત્યાર સુધી કોઇ ચમત્કારિક સફળતા મળી નથી. શું તમે જાણો છો કે મંચ પર ગંભીર જોવા મળતાં રાહુલ ગાંધી હકિકતમાં કાર રેસિંગનો શોખ ધરાવે છે. તેમના જન્મદિવસના અવસર પર તેમની જીંદગીના કેટલાક એવા ફેક્ટ્સ.

રાહુલ ગાંધીની લાઇફ સાથે જોડાયેલા કેટલાક રોચક ફેક્ટ્સ

બાળપણમાં સુરક્ષા લીધે રાહુલ ગાંધીને ઘણી સ્કૂલો બદલવી પડી. દાદી ઇન્દિરા ગાંધીની હત્યાના સમયે રાહુલ ગાંધી અને પ્રિયંકા ગાંધી ડૂન ઇન્ટરનેશનલ સ્કૂલમાં ભણતા હતા.