જીમેઇલ જેવો લૂક ધારણ કર્યો યાહુ મેઇલે, મળશે 1 ટીબી સ્પેસ

| Published: Thursday, October 10, 2013, 16:15 [IST]

યાહૂ મેઇલે પોતાના લુકમાં મોટો ફેરબદલ કરીને માત્ર તેની ડિઝાઇન જ નથી બદલાવી પરંતુ હવે તમે યાહૂ મેઇલમાં 1 ટીબી એટલે કે 1000 જીબી ફ્રી સ્પેસનો ફાયદો ઉઠાવી શકશો. યાહૂએ મંગળવારે પોતાના મેઇલની ડિઝાઇનમાં બદલાવ કરતા નવા ફીચર રજુ કર્યા છે. નવા બદલાવ બાદ હવે યાહૂ મેઇલ યુઝર પોતાના મેઇલના બેગ્રાઉન્ડને ફ્લિકરની તસવીરોમાં સજાવી શકશે.

યાહૂ મેઇલમાં તમે જે બદલાવ પીસીમાં કરશો એ જ બદલાવ પણ તમને તમારા મોબાઇલમાં જોવા મળશે. આ ઉપરાંત યાહૂની એપ્લીકેશનમાં પણ અનેક બદલાવ કરવામાં આવ્યા છે, જે બદલાવ વિન્ડો, એન્ડ્રોઇડ અને આઇઓએસ એપ્લીકેશનમાં કરવામાં આવ્યા છે. યુઝર યાહૂ મેઇલમાં અનેક થીમ લગાવી શકે છે. આ પ્રકારની ફીચર જીમેઇલમાં આપવામાં આવ્યા છે.

હાલના સમયે યાહૂની કમાન મરિસા મેયરના હાથમાં છે, જ્યારે જીમેઇલે પોતાના મેઇલમાં બદલાવ કર્યા હતા, તો મરિસાએ જીમેઇલની ડિઝાઇનને વધુ સારી બનાવવા માટે અનેક સૂચન આપ્યા હતા, એ જ રીતે કેટલાક બદલાવ યાહૂ મેઇલમાં પણ કરવામાં આવ્યા છે. અમે તમને જણાવી દઇએ કે, જીમેઇમાં 15 જીબી સુધીનું સ્ટોરેજ મફતમાં મળે છે, જ્યારે તેની સરખામણીએ યાહૂનું 1 ટીબી સ્ટોરેજ ઘણું વધારે છે. નવા રીવેંપ યાહૂ મેઇલનો લાભ યુએસ, યુકે, કેનેડા, ફિલિપાઇન્સ, મલેશિયા, ભારત, આયરલેન્ડ, ન્યુઝિલેન્ડ, દક્ષિણ આફ્રિકાના યુઝર્સને મળશે, ટૂંક સમયમાં યાહૂ મેઇલ બીજા દેશોના યુઝર્સને પણ આ લાભ આપશે.