Aadhaar for Kids: આ રીતે નીકળો બાળકોનું આધાર કાર્ડ

શું તમે તમારા બાળકનું આધાર કાર્ડ કરવાનું વિચારી રહ્યા છો? તો પહેલા વાંચી લો આ લેખ. જેમાં બાળકોના આધાર કાર્ડને નીકાળતી વખતે કેવા દસ્તાવેજો રાખવા, શું પ્રક્રિયા છે તે અંગે વિગતવાર જણાવ્યું છે.

| Published: Monday, September 18, 2017, 17:39 [IST]

આજના સમયે તમામ મહત્વના કામોમાં આધાર અનિવાર્ય બની ગયું છે. સરકારી શાળામાં બાળકોના મીડ ડે મીલમાં આધાર કાર્ડને જોડવામાં આવ્યું છે. સાથે જ હાલ તમામ શાળાઓ પણ બાળકોના આધાર કાર્ડ નંબર માંગી રહી છે. ત્યારે જેમ મોટા લોકો માટે આધાર કાર્ડ હોવું જરૂરી છે તેમ જ બાળકો માટે પણ આધાર કાર્ડ હોવું જરૂરી બન્યું છે. ત્યારે જો તમે પણ તમારા બાળકોનું આધાર કાર્ડ નીકાળવા માંગતા હોવ તો જાણો શું છે નિયમો અને કેવી રીતે તમે આ વસ્તુ કરાવી શકો છો...

દસ્તાવેજો કયા જોયશે?

બાળકોના આધાર કાર્ડ કરાવવા માટે તમારે વધારે દસ્તાવેજની જરૂર નહીં પડે. તમે છતાં નીચેના દસ્તાવેજો આ માટે જરૂરી છે.

જન્મનો દાખલો
બાળકના માતા-પિતાનું આધાર કાર્ડ
વાલીનું એડ્રેસ પ્રૂફ
વાલીનું આઇડી પ્રૂફ

આ વાતનું પણ ધ્યાન રાખો

નોંધનીય છે કે તમે 1 વર્ષના બાળક કે બાળકીનું આધાર કાર્ડ બનાવી શકો છો.

સાથે જ જો બાળક 5 વર્ષથી નાનું છે તો તેનો બાયોમેટ્રિક ડેટા નહીં લેવામાં આવે. કારણ કે 5 વર્ષ સુધી બાળકનો બાયોમેટ્રિક ડેટા સતત બદલાતો રહે છે.
15 વર્ષનું જ્યારે બાળક થશે ત્યારે તેનું છેલ્લી વાર તેનું બાયોમેટ્રિક ડેટા રેકોર્ડ કરવામાં આવશે. તે પછી તેનો બાયોમેટ્રિક વારંવાર બદલાની કે કરાવાની જરૂર નહીં પડે.

આધાર કાર્ડ

બાળકો અને મોટાઓ માટે આધાર કાર્ડ બનાવાની પ્રક્રિયા એક જ છે. ખાલી દસ્તાવેજોમાં થોડો ફરક છે. તમે આ માટે ઓનલાઇન પણ મુલાકાત બુક કરાવી શકો છો. આ માટેની પ્રક્રિયા નીચે મુજબ છે.