• search
For Quick Alerts
ALLOW NOTIFICATIONS  
For Daily Alerts

પહેલીવાર 1002 મહિલાઓએ NDA પરીક્ષા પાસ કરી, 19ને જ પ્રવેશ મળશે!

By Desk
|
Google Oneindia Gujarati News

નવી દિલ્હી, 17 ડિસેમ્બર : નેશનલ ડિફેન્સ એકેડમી પરીક્ષા (NDA) 2021 ના ​​પરિણામો જાહેર કરવામાં આવ્યા છે. નેશનલ ડિફેન્સ એકેડમી (NDA) ની પરીક્ષા પાસ કરનારા 8,000 થી વધુ ઉમેદવારોની યાદીમાં 1,000 થી વધુ મહિલા ઉમેદવારોએ પરીક્ષા પાસ કરી છે. આ પ્રથમ વખત છે જ્યારે યુનિયન પબ્લિક સર્વિસ કમિશન (UPSC) દ્વારા 14 નવેમ્બરે લેવાયેલી પરીક્ષામાં મહિલા ઉમેદવારોએ હાજરી આપી હતી. બુધવારે પરિણામ જાહેર કરવામાં આવ્યું હતું.

રક્ષા મંત્રી કાર્યાલયે શુક્રવારે ટ્વીટ કર્યું કે, એનડીએ પરીક્ષા પાસ કરનારા 8000 ઉમેદવારોમાંથી 1002 મહિલા ઉમેદવારોએ પ્રથમ વખત પરીક્ષા આપી હતી. આ પહેલીવાર હશે જ્યારે મહિલા કેડેટ્સ NDAમાં પ્રવેશ લેશે. સુપ્રીમ કોર્ટના આદેશ બાદ પ્રથમ વખત એનડીએમાં મહિલાઓની પસંદગી કરવામાં આવી છે. આ NDA-II પરીક્ષામાં આર્મીની કુલ 208 પોસ્ટ્સમાંથી 10 મહિલાઓ માટે છે. એરફોર્સમાં 120 પોસ્ટમાંથી 6 અને નેવીમાં 42માંથી ત્રણ પોસ્ટ મહિલાઓ માટે છે.

આ મહિલા ઉમેદવારોએ હવે આગળની પસંદગી પ્રક્રિયાના ભાગરૂપે સર્વિસ સિલેક્શન બોર્ડ (SSB) અને મેડિકલ ફિટનેસના ધોરણોને પૂર્ણ કરવા પડશે. પરીક્ષા પાસ કરનાર 1002 મહિલા ઉમેદવારોમાંથી માત્ર 19 જ નેશનલ ડિફેન્સ એકેડમીમાં તાલીમ માટે પસંદ કરવામાં આવશે. સમગ્ર પસંદગી પ્રક્રિયાના આધારે આગામી અભ્યાસક્રમ માટે 400 ઉમેદવારોની પસંદગી કરવામાં આવનાર છે, જેમાં 19 બેઠકો મહિલાઓ માટે અનામત છે.

આ પ્રથમ વખત હશે જ્યારે એનડીએ કોર્સમાં પુરૂષો સાથે મહિલા કેડેટ તાલીમ લેશે. આ માટે પુણેમાં નેશનલ ડિફેન્સ એકેડમી ખડકવાસલા ખાતે તમામ જરૂરી વ્યવસ્થા અને આયોજન કરવામાં આવી રહ્યુ છે. રાજ્યસભામાં એક પ્રશ્નના લેખિત જવાબમાં સંરક્ષણ રાજ્ય મંત્રી અજય ભટ્ટે જણાવ્યું હતું કે પરીક્ષા માટે કુલ અરજદારોની સંખ્યા 5,75,856 હતી, જેમાંથી 1,77,654 મહિલાઓ હતી.

English summary
For the first time 1002 women passed NDA exam, only 19 will get admission!
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X