બેંકમાં સ્પેશિયાલિસ્ટ ઑફિસરના 645 પદ પર બંપર ભરતી, જાણો અરજી કેવી રીતે કરશો

Published: Saturday, November 7, 2020, 9:59 [IST]

નવી દિલ્હીઃ બેંકિંગના ક્ષેત્રમાં નોકરીની તલાશ કરી રહેલા યુવાનો માટે દિવાળી પહેલાં એક સારા સમાચાર છે. ઈન્ડિયન ઈન્સ્ટીટ્યૂટ ઑફ બેંકિંગ પર્સનલ એટલે કે IPBSએ સ્પેશિયલ ઑફિસરના 645 પદો પર ભરતી માટે અરજીઓ આમંત્રિત કરી છે. ઈચ્છુક અને યોગ્ય ઉમેદવાર આઈબીપીએસની સત્તાવાર વેબસાઈટ ibps.in પર જઈ અરજી કરી શકે છે. ઉમેદવારોએ અરજી કરવા માટે લૉગઈન કરવું પડશે.

આ પદે પર અરજી કરવાની પ્રક્રિયા ચાલુ છે અને 23 નવેમ્બર 2020 સુધી અરજી કરી શકાય ચે. એટલે કે આ તારીખ બાદ કોઈપણ અરજી સ્વિકારવામાં નહિ આવે. સ્પેશિયાલિસ્ટ ઑફિસરની નોકરી માટે ઉમેદવારોએ પ્રીલિમ્સ અને મેન્સ પરીક્ષા પાસ કરવી પડશે. પ્રીલિમ્સ પરીક્ષાનું આયોજન 26 અને 27 ડિસેમ્બર 2020ના રોજ થશે. જેમાં સફળ થતા ઉમેદવારો જ મુખ્ય પરીક્ષામાં બેસી શકશે. 30 જાન્યુઆરી 2021ના રોજ મુખ્ય પરીક્ષા લેવાશે.

પદોનું વિવરણ

આઈટી ઑફિસર સ્કેલ 1-20 પદ
એગ્રીકલ્ચર ફીલ્ડ ઑફિસર- 485 પદ
માર્કેટિંગ ઑફિસર- 60 પદ
લૉ ઑફિસર- 50 પદ
એચઆર પર્સનલ ઑફિસર- 7 પદ

જરૂરી તારીખ

સત્તાવાર જાહેરાત જાહેર થવાની તારીખ- 1 નવેમ્બર 2020
રજિસ્ટ્રેશન શરૂ થવાની તારીખ- 2 નવેમ્બરથી 23 નવેમ્બર 2020
અરજી ફી ચૂકવવાની તારીથ- 2 નવેમ્બરથી 23 નવેમ્બર 2020 સુધી
રિઝલ્ટ આવવાની તારીખ- જાન્યુઆરી 2021
મુખ્ય એડમિટ કાર્ડ ડાઉનલોડ કરવાની તારીખ- જાન્યુઆરી 2021
મુખ્ય પરીક્ષાનું રિઝલ્ટ આવવાની તારીખ- ફેબ્રુઆરી 2021

અરજી કરતાં પહેલાં ઉમેદવારોએ સત્તાવાર જાહેરાત વાંચી લેવી, જે તમને વેબસાઈટ પર જ મળી જશે. જેમાં તમારી જરૂરી શૈક્ષણિક યોગ્યતા અને આયુસીમા સહિત પૂરી જાણકારી મળી જશે. વધુ જાણકારી માટે ઉમેદવારોને સત્તાવાર વેબસાઈટ પર જવાની સલાહ આપવામાં આવે છે.

Published On November 7, 2020