• search
For Quick Alerts
ALLOW NOTIFICATIONS  
For Daily Alerts

આરાધ્યાનું કૅરિયર આરાધ્યાની ચૉઇસ : અભિષેક બચ્ચન

|
Google Oneindia Gujarati News

મુંબઈ, 4 ફેબ્રુઆરી : બૉલીવુડ સ્ટાર્સ મોટાભાગે પોતાના માતા-પિતાની જેમ જ પોતાના કૅરિયર તરીકે એક્ટિંગની પસંદગી કરે છે, પરંતુ જરૂરી નથી કે જો માતા-પિતાનું બૉલીવુડ કૅરિયર શ્રેષ્ઠ રહ્યું હોય, તો બાળકોનું પણ કૅરિયર તેટલી જ બુલંદીએ પહોંચે. અભિષેક બચ્ચન આ બાબતથી સારી રીતે વાકેફ છે, કારણ કે તેમની પોતાની સાથે એવું જ થયું હતું. અમિતાભ બચ્ચનના પુત્ર હોવાનો ફાયદો તો તેમને મળ્યો, પણ અમિતાભ જેવી સફળથા ક્યારેય અભિષેકને મળી નહીં.

હવે અભિષેક બચ્ચન તથા ઐશ્વર્યા રાયની પુત્રી આરાધ્યા બચ્ચનના કૅરિયર અંગે ચર્ચાઓ શરૂ થઈ છે. લોકો અભિષેકને પૂછી રહ્યાં છે કે આરાધ્યા મોટી થઈ શું બનશે? જવાબમાં અભિષેકનું કહેવું છે કે આ નિર્ણય પૂર્ણત્વે આરાધ્યાનો જ હશે. અભિષેકે એમ પણ જણાવ્યું કે તેઓ અને ઐશ્વર્યા રાય માત્ર આરાધ્યાને પ્રેમ, સારું શિક્ષણ તથા માર્ગદર્શન આપશે.

અભિષેક બચ્ચને તાજેતરમાં જ ઋતુ બેરીના ફૅશન શોમાં મુખ્ય અતિથિ તરીકે હાજરી નોંધાવી. ઋતુ બેરીનો આ ફૅશન શો બાળકો માટે હતો કે જેમાં ઋતુએ બાળકો માટે નવા-નવા કલેક્શનનો શો-કેસ કર્યો. અભિષેક બચ્ચનને શો દરમિયાન પૂછવામાં આવ્યું કે વ્હાલી આરાધ્યા કેમ રૅમ્પ આવ્યા નહીં? તો અભિષેકે જણાવ્યું - મને અહીં આવી ખૂબ સારૂ લાગ્યું. હું એક ફિલ્મ એક્ટર છું અને આ બાળકો મોટેરાઓ કરતાં પણ સારૂ કરી રહ્યાં છે. મારી પુત્રી અંગે હું એમ કહી શકું કે તે બાબત પૂરી રીતે આરાધ્યાની ચૉઇસ ઉપર નિર્ભર રહેશે કે તેણે કયું કૅરિયર પસંદ કરવું જોઇએ. હાલ તે દુબઈમાં છે અને ખૂબ નાની છે, પરંતુ મને પુરતો વિશ્વાસ છે કે આ પ્રકારના સારા કામોમાં સહકાર આપવાનું આરાધ્યા પણ મોટી થતાં પસંદ કરશે.

અભિષેક બચ્ચને શો દરમિયાન એક ત્રણ વર્ષની નાનકડી બાળકી કે જે પોતાના જૂતાના લેસ બાંધ્યા વગર રૅમ્પ વૉકે આવી ગઈ, તેની પાસે જઈ તેના જૂતાના લેસ બાંધ્યાં. બાળકી પોતાના જૂતાના લિસ ખુલ્લા જોઈ રૅમ્પ ઉપર રડવા લાગી હતી. અભિષેક બાળકીને રડતા જોઈ પોતાની જાતને રૅમ્પ પર જતાં રોકી ન શક્યાં. અભિષેકે પોતે તે બાળકીના જૂતાના લેસ બાંધ્યા અને બાળકીને ચુપ કરાવી. શો બાદ અભિષેક બચ્ચને બાળકો સાથે ડાંસ પણ કર્યો અને ઘણો વખત પણ પસાર કર્યો. અભિષેકે જણાવ્યું - મને બાળકો ખૂબ ગમે છે. તેમને રૅમ્પ ઉપર વડીલો કરતાં બહેતર વૉક કરતાં જોવા જેવી મજાની બાબત કઈં ન હોઈ શકે.

English summary
Abhishek Bcahchan says that Aaradhya will choose her carrer by her own will. Abhishek Bcahchan during the fashion show of Ritu Beri said that He will only gove love, good education and support to Aaradhya. Aaradhya will choose her career according to her will.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X