અમિતાભ બચ્ચનની ફિલ્મ ‘ઝુંડ' માં થશે સૈરાટ સુપરસ્ટાર્સનું બોલિવુડ ડેબ્યુ
અમિતાભ બચ્ચને પોતાની આગામી ફિલ્મ ‘ઝુંડ' નું શૂટિંગ શરૂ કરી દીધુ છે.
અમિતાભ બચ્ચને પોતાની આગામી ફિલ્મ 'ઝુંડ' નું શૂટિંગ શરૂ કરી દીધુ છે. ફિલ્મનું નિર્દેશન કરી રહ્યા છે નાગરાજ મંજૂલે, જેમણે આ પહેલા મરાઠી ફિલ્મ સૈરાટનું નિર્દેશન કર્યુ હતુ અને ખૂબ લોકપ્રિયતા મેળવી હતી. આ નાગરાજની પહેલી બોલિવુડ ફિલ્મ હશે. વળી, માત્ર નિર્દેશક જ નહિ પરંતુ આ ફિલ્મમાં સૈરાટ ફેમ સ્ટાર્સ રિંકુ રાજગુરુ અને આકાશ ઠોસર પણ જોવા મળશે.
સૈરાટમાં આર્ચી અને પર્શ્યાની ભૂમિકા નિભાવનાર આ બે સ્ટાર્સ રાતોરાત સૌના ફેવરિટ બની ગયા હતા. સૈરાટ 100 કરોડ કમાનાર પહેલી મરાઠી ફિલ્મ બની અને રિંકુ-આકાશ સુપર સ્ટાર્સ. લાંબા સમયથી તેમના બોલિવુડ ડેબ્યુની રાહ જોવામાંઆવી રહી હતી. આકાશ ઠોસરને આપણે Lust Stories માં પણ જોયો હતો.
ઝૂંડની વાત કરીએ તો આ ફિલ્મ વિજય બરસેના જીવન પર આધારિત હશે જે ગલી મહોલ્લાના છોકરાઓને ભેગા કરીને તેમની એક ફૂટબોલ ટીમ તૈયાર કરે છે. ફિલ્મમાં અમિતાભ બચ્ચન એક પ્રોફેસરની ભૂમિકામાં હશે જે પોતાના મહોલ્લાના બાળકોને ફૂટબોલ માટે તૈયાર કરે છે. રિંકુ અને આકાશ પણ ફિલ્મમાં ફુટબોલ રમતા જોવા મળશે.
આ પણ વાંચોઃ બૉક્સ ઓફિસ પર શું થયા 'ધ એક્સિડેન્ટલ પ્રાઈમ મિનિસ્ટર' ના હાલ, જાણો કમાણી