બોલ્ડ નિવેદન: ઓકાત કરતા વધારે પૈસા લે છે, ખાન અને બચ્ચન

અનુરાગ કશ્યપ હંમેશા પોતાના બોલ્ડ નિવેદનો માટે જાણીતા રહ્યા છે. અનુરાગ કશ્યપ એવા બોલ્ડ નિવેદનો આપી દે છે જે કોઈ જ ના આપી શકે.

હાલમાં જ લગાતાર ફિલ્મો ફ્લોપ થવાથી એક મોટી પ્રોડક્શન કંપની પીછેહઠ કરી રહી છે. આ વાત પર ચર્ચા કરતા અનુરાગ કશ્યપ એ કહ્યું કે આ બધું જ મોટા સ્ટારની વધતી ફી ના કારણે થયું છે.

અનુરાગ કશ્યપે સાફ સાફ શબ્દોમાં કહ્યું કે બોલિવૂડમાં સ્ટાર પોતાની મહેનત કરતા પણ વધારે પૈસા વસૂલ કરે છે. તેમને સબૂત પણ આપ્યા. હાલમાં જ ફોર્બ્સના ટોપ 20 અમીર એક્ટરોમાં 4 બોલિવૂડ એક્ટરોનું નામ હતું.

અનુરાગ કશ્યપે આંકડા તરફ ધ્યાન આપતા કહ્યું કે જે હોલિવુડ એક્ટરોનું નામ તે લિસ્ટમાં છે તેમની ફિલ્મોની કમાણી બિલિયનોમાં છે. જયારે આપણે એક ફિલ્મ ખુબ જ મુશ્કિલથી 300 કરોડની કમાણી કરી શકે છે.

અનુરાગ કશ્યપે કહ્યું કે તો પણ આપણા એક્ટરોનું નામ તે લિસ્ટમાં છે. તો ચોક્કસ તેમની ફી ઘણી જ વધારે છે. જયારે એક્ટરો જ આટલા પૈસા લે છે તો ફિલ્મ ક્યાંથી પૈસા કમાઈ શકે.

બોલિવૂડમાં સારી ફિલ્મો આવવા છતાં પણ સારી કમાણી નથી કરી શક્તી અને તેના કારણે પ્રોડક્શન હાઉસને નુકશાન થાય છે. અનુરાગ કશ્યપે સાફ સાફ શબ્દોમાં કહ્યું કે એક્ટરોનો તેમાં કોઈ જ દોષ નથી. બધો જ દોષ પ્રોડક્શન હાઉસનો છે જેઓ તેમને આટલા વધારે પૈસામાં સાઈન કરી લે છે.

English summary

Anurag Kashyap calls Four bollywood actors overpaid.