'એવેંજર્સ ઈન્ફિનિટી વૉર' ની બોક્સ ઓફિસ પર ધમાકેદાર ઓપનિંગ... તૂટ્યા રેકોર્ડ
હોલીવુડ ફિલ્મ એવેંજર્સ ઈન્ફિનિટી વૉર ભારતમાં રિલીઝ થઈ ચૂકી છે. તમને જણાવી દઈએ કે આજે સવારના શોમાં 90 થી 100 ટકાની ઓક્યુપસી મળી છે.
હોલીવુડ ફિલ્મ એવેંજર્સ ઈન્ફિનિટી વૉર ભારતમાં રિલીઝ થઈ ચૂકી છે. તમને જણાવી દઈએ કે આજે સવારના શોમાં 90 થી 100 ટકાની ઓક્યુપસી મળી છે. આ આંકડો ચોંકાવનારો છે. ટ્રેડ પંડિતોની માનીએ તો ફિલ્મ ભારતમાં 20-25 કરોડ સુધીની ઓપનિંગ આપશે. આ ધમાકેદાર ઓપનિંગ છે. લગભગ બધા મોટા શહેરોમાં ફિલ્મના શો પહેલા વીકેન્ડ સુધી હાઉસફૂલ છે. ફિલ્મ ભારતમાં 2100 સ્ક્રીન પર રિલીઝ થઈ છે.
ફિલ્મના સમીક્ષકોને શાનદાર રિસ્પોન્સ મળ્યો છે. મોટાભાગના થિયેટરોમાં 3ડી અને 4ડી શો હાઉસફૂલ છે. આ ફિલ્મ ભારતમાં હોલીવુડ ફિલ્મોની ઓપનિંગના નવા રેકોર્ડ્ઝ બનાવશે તેમાં કોઈ બેમત નથી. છેલ્લા કેટલાક વર્ષોમાં જોવામાં આવ્યું છે ક હોલીવુડ ફિલ્મોએ બોક્સ ઓફિસ પર જબરદસ્ત કમાણી કરી છે અને બોલીવુડ સુપરસ્ટાર્સની ફિલ્મોને પાછળ છોડી દીધી છે.
ટ્રેડ પંડિતોની માનીએ તો ફિલ્મ ભારતમાં 200 કરોડ સુધીનું કલેક્શન કરી શકે છે. એટલે કે આ ફિલ્મ ભારતમાં સૌથી વધુ કમાણી કરનારી હોલીવુડ ફિલ્મ સાબિત થશે. જ્યારે વર્લ્ડવાઈડ આ ફિલ્મ 3000 કરોડ સુધીની કમાણી કરી શકે છે. ફિલ્મને દુનિયાભરમાં શાનદાર ઓપનિંગ મળવાની છે તેમાં કોઈ શક નથી.