ફિલ્મોનો બૅડ મૅન જ રીયલ હીરો : અક્ષય કુમાર

| Updated: Tuesday, July 9, 2013, 14:30 [IST]

મુંબઈ, 29 જૂન : વીતેલા જમાનાથી કેટલીક એવી ફિ્લમો લોકો સામે આવી કે જેનાથી સાબિત થઈ ગયું કે ફિલ્મોના ખલનાયકો જ સાચા નાયકો છે કે જેમને લોકો માથે બેસાડે છે. તેથી મારી દૃષ્ટિએ ફિલ્મોમાં વિલન જ કે નેગેટિવ રોલ ધરાવતો કૅરેક્ટર જ રીયલ હીરો હોય છે.

આમ કહેવું છે બૉલીવુડ અભિનેતા અક્ષય કુમારનું કે જેઓ વન્સ અપૉન ઍ ટાઇમ ઇન મુંબઈ દોબારા ફિલ્મમાં એક નેગેટિવ રોલ કરી રહ્યાં છે. ફિલ્મમાં તેમના પાત્રનું નામ શોએબ છે. ફિલ્મમાં અક્ષય કુમાર સાથે ઇમરાન ખાન અને સોનાક્ષી સિન્હા પણ છે. એકતા કપૂર પ્રોડક્શનની આ ફિલ્મ આગામી 15મી ઑગસ્ટના રોજ રિલીઝ થઈ રહી છે. ફિલ્મ દાઉદ ઇબ્રાહીમના વ્યક્તિત્વથી પ્રભાવિત છે.

વન્સ અપૉન ઍ ટાઇમ ઇન મુંબઈ દોબારા ફિલ્મ વન્સ અપૉન ઍ ટાઇન ઇન મુંબઈની સિક્વલ છે કે જેમાં અજય દેવગણ, ઇમરાન હાશમી, પ્રાચી દેસાઈ તથા કંગના રાણાવત હતાં. પહેલો ભાગ સુપરહિટ રહ્યો હતો. આ વખતે પણ ફિલ્મ પાસે ઘણી આશાઓ સેવાઈ રહી છે.