જય-વીરૂ જ નહીં, બસંતીના કારણે કેતનને પણ વળ્યો પરસેવો!
મુંબઈ, 2 જાન્યુઆરી : બસંતીની બક-બક યાદ છે ને? બસંતીએ પોતાની બક-બકથી જય અને વીરૂને કેટલા બધા હેરાન કર્યા હતાં. દર્શકોનું મનોરંજન કરનાર બસંતીની એ બક-બક આખી ફિલ્મનો જાન હતી, પરંતુ શું તમે જાણો છો કે આ બસંતીએ જાણીતા ફિલ્મ નિર્માતા કેતન મહેતાને પણ પરસેવો વાળી દીધો.
આવતીકાલે રિલીઝ થતી શોલે 3ડીના નિર્માતા કેતન મહેતાએ પોતાના માયા ડિજિટલ સ્ટુડિયો ખાતે તેનું 3ડી રૂપાંતરણ કર્યું છે. મામા મેમસાબ તથા મંગલ પાન્ડે ધ રાઇઝિંગ જેવી ફિલ્મો બનાવનાર કેતને જણાવ્યું - શોલે 3ડી ફિલ્મમાં બસંતી એટલે કે હેમા માલિનીના જંગલમાં ઊભા રહેવાનું દૃશ્ય સૌથી મુશ્કેલ ફ્રેમોમાંનું એક હતું.
તેમણે જણાવ્યું - જ્યારે આપણે ઉંડાણપૂર્વક અને 3ડી અંગે વાત કરતા હોઇએ, તો દરેક ભાગનું પોતાનું એક અલગ ઉંડાણ તથા અલગ પડ હોય છે. હેમાજીના નાકથી લઈ વાશ, દરેક ઝાડથી માંડી દરેક પાનનુ એક જુદુ પડ બની ગયું. તેમને તારવતા બહાર કાઢવુ અને પછી 3ડીમાં યોગ્ય રીતે ઉંડાણ અને ફ્રેમ સાથે મિશ્ર કરવુ પડ્યું.