વોટિંગ કરવા ઉમટ્યા સિતારાઓ, આમીર-રજનીકાંતે કર્યું મતદાન

નવી દિલ્હી, 24 એપ્રિલ: આજે છઠ્ઠા તબક્કા માટે 117 બેઠકો પર મતદાન પ્રક્રિયા ચાલી રહી છે. માયાનગરી મુંબઇમાં ઘણા ફિલ્મી સિતારાઓ પોતાના મતદાનના અધિકારનો ઉપયોગ કરવા માટે આવી પહોંચ્યા. બોલીવુડના મિસ્ટર પરફેક્ટનીસ્ટ આમીર ખાને મતદાન કર્યું, જ્યારે વિદ્યા બાલન પણ આજે સવારે-સવારે મતદાન કરવા આવી પહોંચી હતી. આમિર ખાને વોટિંગ કર્યા બાદ દેશના યુવાઓને અપીલ કરી કે આપ તમામ આપના ઘરોથી નીકળો અને સમજી-વિચારીને વોટ કરો. આ ઉપરાંત સોનમ કપૂર, ફરહાન અખ્તર, સની દેઓલ જેવા જાણીતા સિતારાઓએ પણ વોટિંગ કર્યું હતું.

જો સાઉથની વાત કરીએ તો સાઉથના સુપર સ્ટાર રજનીકાંતે આજે વહેલી સવારે ચેન્નઇમાં લાઇનમાં ઉભા રહીને પોતાના મતાધિકારનો ઉપયોગ કર્યો. જ્યારે સાઉથની ચર્ચિત અભિનેત્રી ખુશબુએ પણ પોતાના મતાધિકારનો પ્રયોગ કર્યો. સુપર સ્ટાર કમલ હસન પણ વોટ કરવા આવી પહોંચ્યા હતા. આ તમામ સિતારાઓએ લોકોને વોટિંગ કરવાની અપિલ કરી હતી.

વિશ્લેષકોનું માનવું છે કે આ વખતે સામાન્ય વ્યક્તિથી લઇને બોલીવુડની હસ્તીઓ સુધીના તમામ લોકો વોટિંગમાં રસ દાખવી રહ્યા છે. જેથી કરીને એવું માનવામાં આવી રહ્યું છે કે આ વખતે દેશભરમાં જે મતદાન થશે તે ભૂતકાળના તમામ રેકોર્ડ તોડી પાડશે.

આવો નઝર કરીએ કઇ કઇ સેલિબ્રિટીએ કર્યું મતદાન...