• search
For Quick Alerts
ALLOW NOTIFICATIONS  
For Daily Alerts

Pics : સંજયને સજાથી બૉલીવુડ સદમામાં

|

મુંબઈ, 21 માર્ચ : સંજય દત્તને પાંચ વરસની જેલની સજાથી બૉલીવુડ સદમામાં સરી પડ્યું છે. મહેશ ભટ્ટ, જયા પ્રદા, ડબ્બૂ રત્નાની સહિત અનેક બૉલીવુડ કલાકારોએ પોતાના પ્રત્યાઘાતમાં સંજય દત્તને સજા ફરમાવાતાં દુઃખ અને અફસોસ વ્યક્ત કર્યો છે.

સુપ્રીમ કોર્ટે સંજય દત્તને 1993ના બૉમ્બ ધડાકા કેસમાં આર્મ્સ એક્ટ હેઠળ 5 વરસની સજા ફટકારી છે. જોકે સંજય દત્તને ટાડા અદાલતે 6 વરસની સજા ફટકારી હતી. સુપ્રીમ કોર્ટે તેમાં એક વરસનો ઘટાડો કર્યો છે. ઉપરાંત સંજય દત્ત 18 માસ જેલમાં ગાળી ચુક્યાં છે. તેથી તેમને હવે સાડા ત્રણ વરસ જેલમાં ગાળવા પડશે.

પરંતુ બૉલીવુડમાં અત્યંત સક્રિય અને વ્યસ્ત એવા સંજય દત્તનું જેલમાં જવાનો મતલબ બૉલીવુડને કરોડોનો ઘાટો થશે. સંજય દત્ત ઘણી ફિલ્મો કરી રહ્યાં છે. એવામાં સંજય દત્તને સજા ફટકારાતાં બૉલીવુડ દુઃખી દુઃખી થઈ ગયું છે.

આવો તસવીરો વડે જાણીએ બૉલીવુડના પ્રત્યાઘાતો.

મહેશની આશા, ફરાહની પ્રાર્થના, ડબ્બૂનું દુઃખ

મહેશની આશા, ફરાહની પ્રાર્થના, ડબ્બૂનું દુઃખ

સંજય દત્તને સજા થતાં મહેશ ભટ્ટે ટ્વિટ કર્યું : માણસ જીવે છે આશામાં જીવે છે અને આશામાં મરે છે. મને આશા છે કે સુપ્રીમ કોર્ટના આ ચુકાદા બાદ સંજય દત્તના જીવનમાં કાયમી શાંતિ આવશે. ફરાહ ખાને ટ્વિટ કર્યું : સંજય દત્ત એક સારા માણસ છે. તેઓ આવી સજાને યોગ્ય નથી. ઈશ્વર તેમને મજબૂતી આપે. તેમના પરિવાર માટે પ્રાર્થના. ડબ્બુ રત્નાનીનું ટ્વિટ : સંજયને સજાના સમાચાર દુઃખદ છે. હું ખૂબ ચાહુ છું. તેઓ મારા મોટા ભાઈ છે. સંજય દત્તનું હૃદય સોનાનું છે. ભગવાન તેમને શક્તિ અર્પે.

કમનસીબ ચુકાદો, પણ અંતિમ

કમનસીબ ચુકાદો, પણ અંતિમ

બૉલીવુડ અભિનેત્રી જયા પ્રદાએ જણાવ્યું કે કમનસીબ ચુકાદો છે, પરંતુ સુપ્રીમ કોર્ટના ચુકાદો અંતિમ છે. તેમણે જણાવ્યું કે સંજય એક સારા માણસ છે. તેમની સાથે તેમણે અનેક ફિલ્મો કરી છે.

સંજય મજબૂત વ્યક્તિ

સંજય મજબૂત વ્યક્તિ

સંજય દત્તના વકીલ સતીશ માન શિંદેએ જણાવ્યું કે સંજય દત્ત એક મજબૂત વ્યક્તિ છે. અમે તેમને આ પ્રકારના ચુકાદા માટે તૈયાર રહેવા અગાઉથી જ કહ્યુ હતું. તેમણે જણાવ્યું કે તેઓ વિકલ્પો ઉપર વિચાર કરી રહ્યાં છે.

જેલમાં સંજય

જેલમાં સંજય

1993ના બૉમ્બ બ્લાસ્ટ કેસમાં સંજય દત્તે જેલમાં ગાળેલા 18 માસ.

English summary
Mahesh Bhatt, Farah Khan, Jaya prada and Dabboo Ratnani react on Sanjay Dutt.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X