#Cannes2017 Day 2: જ્યારે રેડ કાર્પેટ પર ઉતરી દીપિકા...

70મા કાન્સ ફિલ્મ ફેસ્ટિવલના બીજા દિવસે પણ રેડ કાર્પેટ પર દીપિકાનો જલવો કાયમ રહ્યો છે.

By Shachi

Updated: Friday, May 19, 2017, 12:37 [IST]

કાન્સ ફિલ્મ ફેસ્ટિવલ અને દીપિકા પાદુકોણ, હાલ આ બે જ ચર્ચાના મુખ્ય વિષય છે. કાન્સ ફિલ્મ ફેસ્ટિવલમાં દીપિકાએ ધમાકેદાર એન્ટ્રી કરી છે, બંન્ને દિવસ તે કાન્સના રેડ કાર્પેટ પર છવાઇ ગઇ હતી. પોતાના કાન્સ 2017ના લૂક્સથી તેણે તમામ ક્રિટિક્સના મોઢા બંધ કરી દીધાં છે. એટલું જ નહીં, તેણે ખૂબ ગ્રેસફુલી પોતાનું આરકે(રણબીર કપૂર)નું ટેટૂ પણ અહીં ફ્લોન્ટ કર્યું હતું.

દીપિકાની ફેશન પરેડ

કાન્સ ફિલ્મ ફેસ્ટિવલના બીજા દિવસે એટલે કે 18મી મે એ દીપિકા રેડ કાર્પેટ પર સુંદર ગ્રીન ગાઉનમાં નજરે પડી હતી. બ્રાન્ડન મેક્સવેલના ગાઉનમાં તે ખૂબ સુંદર અને બોલ્ડ લાગી રહી હતી. દીપિકાના લૂક્સ પર બોલિવૂડ હાલ ફિદા થઇ ગયું છે.

ફેશન ક્રિટિક્સ છે ચૂપ

દીપિકાના બંન્ને રેડ કાર્પેટ લૂક્સ લોકોને ખૂબ પસંદ પડ્યા છે. દીપિકાના ડ્રેસિંગ પર કોમેન્ટ કરતાં લોકો અને ફેશન ક્રિટિક્સ હાલ ચૂપ છે. દીપિકાએ ખૂબ જ કોન્ફિડન્સ અને ઇઝ સાથે રેડ કાર્પેટ પર એપિરિયન્સ આપ્યું છે.

ફેશન સેન્સ અંગે દીપિકાનો જવાબ

એક લોરિયલ પેરિસ ઇવેન્ટમાં જ્યારે દીપિકાને તેની ફેશન સેન્સ અંગે સવાલ કરવામાં આવ્યો તો તેણે કંઇક આવો જવાબ આપી સૌના મોઢા બંધ કરી દીધા હતા. તેણે કહ્યું હતું, મારું ધ્યાન સારા દેખાવા કરતાં સારો અનુભવ લેવા પર કેન્દ્રિત છે. મારો પહેરવેશ કોઇને ગમશે અને કોઇને નહીં ગમે અને ઇટ્સ પરફેક્ટલી ઓકે.

'હું મારા માટે તૈયાર થાઉં છું'

તેણે આગળ કહ્યું હતું કે, "હું તમારા માટે ડ્રેસ અપ નથી થતી, હું પોતાના માટે ડ્રેસઅપ થાઉં છું. મારો હેતુ પોતાને ખુશ કરવાનો છે."

ઓટોગ્રાફ ટાઇમ

કાન્સના બીજા દિવસે રેડ કાર્પેટ પર દીપિકા પોતાના ફેન્સને ઓટોગ્રાફ આપતી પણ નજરે પડી હતી. કોન્ફિડન્સ અને નમ્રતા કઇ રીતે જાળવી રાખવી એ અહીં દીપિકાએ બતાવ્યું હતું. તે કાન્સ ફિલ્મ ફેસ્ટિવલ માટે અત્યંત ઉત્સાહિત હતી.

ટેટૂ

લક્સની રિસન્ટ એડ પછીથી સૌના મનમાં એક જ સવાલ હતો, કે દીપિકાએ ખરેખર ટેટૂ કઢાવી નાંખ્યું છે. ઘણાએ કીધું કે તેણે ટેટૂની ડિઝાઇન ચેન્જ કરાવી દીધી છે. એ વાત સાચી છે, દીપિકાએ પોતાના ટેટૂમાં ડિઝાઇન ચેન્જ કરાવી દીધી છે, આમ છતાં રણબીર કપૂરના ઇનિશિયલ્સ આર.કે. સ્પષ્ટ જોઇ શકાય છે.

ગ્રેસફુલ દીપિકા

દીપિકા પાદુકોણે ખૂબ ગ્રેસફુલી પોતાનું ટેટૂ ફ્લોન્ટ કર્યું હતું. પોતાના પાસ્ટને ગરિમાપૂર્વક કઇ રીતે સ્વીકારવો તે દીપિકા પાસે શીખી શકાય એમ છે. તેના આ કોન્ફિડન્સને કારણે જ તેના કાન્સમાં અને બોલિવૂડમાં ખૂબ વખાણ થઇ રહ્યાં છે.

દીપિકાનો સુંદર મેકઅપ

દીપિકાનો મેકઅપ પણ આ બંન્ને દિવસો દરમિયાન ઓન-પોઇન્ટ રહ્યો છે. બીજા દિવસે રેડ કાર્પેટ પર દીપિકા બોલ્ડ ગ્રીન આય મેકઅપ સાથે જોવા મળી હતી. દીપિકા લોરિયલ પેરિસની ગ્લોબલ બ્રાન્ડ એમ્બેસેડર છે.

{promotion-urls}