સુશાંત સિંહ રાજપુત કેસને લઇ સીબીઆઇએ આપ્યું નિવેદન

ઓલ ઇન્ડિયા ઇન્સ્ટિટ્યૂટ ઓફ મેડિકલ સાયન્સિસ (એઈમ્સ) ના ફોરેન્સિક વિભાગે પોતાના અહેવાલમાં સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ) ને સ્પષ્ટ કર્યું છે કે બોલીવુડ અભિનેતા સુશાંત સિંહ રાજપૂતનું મોત આત્મહત્યા દ્વારા થયું નથી. બીજી તરફ, સીબીઆઈએ સુશાંત કેસની તપાસ અંગે સોમવારે એક નવું નિવેદન જાહેર કર્યું છે.

સેન્ટ્રલ બ્યુરો ઓફ ઈન્વેસ્ટિગેશન (સીબીઆઈ) ના પ્રવક્તાએ સોમવારે એક નિવેદન બહાર પાડતાં જણાવ્યું હતું કે સુશાંત સિંહ રાજપૂતનાં મોતની સીબીઆઈ તપાસ હજી ચાલુ છે અને તમામ પાસાઓને કાળજીપૂર્વક તપાસવામાં આવી રહ્યા છે.

ફોરેન્સિક ટીમે સુશાંતના મોતનો લઇ કર્યો આ દાવો

ફોરેન્સિક ટીમે પોતાના અહેવાલમાં અભિનેતાના પરિવાર અને તેમના વકીલ દ્વારા કરવામાં આવેલા 'ઝેર' અને 'ગળુ ઘોંટવાના' દાવાને ફગાવી દીધા છે. એઈમ્સ ફોરેન્સિક મેડિકલ બોર્ડે સુશાંત સિંહ રાજપૂતનાં મોતનાં મામલે હત્યાના એંગલને નકારી કાઢ્યો છે, ફોરેન્સિક પેનલે પોતાના અહેવાલમાં દાવો કર્યો છે કે સુશાંતની હત્યા કરવામાં આવી નથી પરંતુ તેણે ફાંસી લગાવીને આત્મહત્યા કરી છે. એઈમ્સના સાત ડોકટરોની ટીમે ભૂતકાળમાં એક રિપોર્ટમાં જણાવ્યું છે કે અભિનેતાનું મોત આત્મહત્યાને કારણે થયું છે, તેથી હત્યા જેવી કોઈ વાત નથી. જોકે, સીબીઆઈએ આ અંગે હજુ સુધી કોઈ પ્રતિક્રિયા આપી નથી.

તમામ મેડિકલ એંગલ પર તપાસ કર્યા બાદ આવ્યું આ પરિણામ

સુશાંતસિંહ રાજપૂતનો પોસ્ટમોર્ટમ રિપોર્ટ એઈમ્સના ડોકટરોને તપાસ માટે મોકલ્યો હતો. જેની સાત સભ્યોની પેનલ દ્વારા તપાસ કરવામાં આવી હતી. પેનલના હેડ ડોક્ટર સુધીર ગુપ્તાએ કહ્યું કે ટીમના તમામ સાત સભ્યોએ સ્વીકાર્યું છે કે સુશાંતનું મોત આત્મહત્યાને કારણે થયું હતું. એઈમ્સના ડોકટરોની ટીમે સુશાંત સિંહ રાજપૂતના પોસ્ટ મોર્ટમ, વિસરા રિપોર્ટની ફરીથી તપાસ કરી અને તમામ મેડિકલ એંગલ પર વિચારીને આ પરિણામ આપ્યું છે.

પેનલ હેડે ઓડીયો પર આપી સફાઇ

આ દરમિયાન સુધીર ગુપ્તાનો એક જૂનો ઓડિયો વાયરલ થઈ રહ્યો છે, જેમાં તે કહી રહ્યો હતો કે, તસવીરો જોઈને લાગે છે કે સુશાંતની હત્યા થઈ છે. આ ઓડિયોનો ખુલાસો કરતાં સુધીર ગુપ્તાએ કહ્યું કે, જ્યારે સીબીઆઈએ તેની તપાસ શરૂ કરી, ત્યારે દરેકને આ મોતની શંકા ગઈ. બધી શંકાઓની તપાસ કર્યા પછી આપણે આ નિષ્કર્ષ પર પહોંચ્યા છે કે સુશાંતે આત્મહત્યા કરી છે. હવે કોઈ શંકા નથી. જ્યારે સુશાંત સિંહ રાજપૂતનાં મોતનો મામલો સીબીઆઈને સોંપાયો હતો, ત્યારે સીબીઆઈ વતી એઈમ્સની એક પેનલ બનાવવામાં આવી હતી.