• search
For Quick Alerts
ALLOW NOTIFICATIONS  
For Daily Alerts

ચેન્નઈ એક્સપ્રેસ અને ક્રિશ 3નો રેકૉર્ડ તોડતી ધૂમ 3

|

મુંબઈ, 3 જાન્યુઆરી : આમિર ખાનની ફિલ્મ ધૂમ 3એ ક્રિસમસ પ્રસંગે રિલીઝ થયાબાદ માત્ર 25 જ દિવસોમાં શાહરુખ ખાનની ફિલ્મ ચેન્નઈ એક્સપ્રેસ તેમજ હૃતિક રોશનની ક્રિશ ફિલ્મનો રેકૉર્ડ તોડી નાંખ્યો અને વર્ષ 2013ની સૌથી વધુ કમાણી કરનાર ફિલ્મ બની ગઈ છે. ધૂમ 3એ રિલીઝ થતા અગાઉ જ માત્ર બ્રાન્ડ એસોસિએશન વડે જ ઘણી સારી કમાણી કરી લીધી હતી. રિલીઝ થયા બાદ ફિલ્મ અંગે જેટલો ઉત્સાહ હતો, તે જોતા પહેલા જ દિવસે 35 કરોડની કમાણી થઈ.

ધૂમ 3 ફિલ્મ એક પછી એક રેકૉર્ડ તોડતાં ચેન્નઈ એક્સપ્રેસ અને ક્રિશ 3 ફિલ્મોને ઘણી પાછળ મૂકી દીધી. આમિર ખાન, કૅટરીના કૈફ, ઉદય ચોપરા અને અભિષેક બચ્ચન અભિનીત ફિલ્મ ધૂમ 3 ધૂમ સિરીઝની ત્રીજી ફિલ્મ છે. ફિલ્મમાં જોકે આ વખતે આખી વાર્તા આમિર ખાન ઉપર જ કેન્દ્રિત છે અને તેથી જ અભિષેક અને ઉદય આમિરના પાત્ર પાછળ છુપાઈ ગયાં છે. ધૂમ 3ને સૌએ માત્ર આમિરની જ ફિલ્મ કહી. ફિલ્મમાં આમિરનો ડબલ રોલ છે અને આમિરે બંને પાત્રોમાં પ્રાણ ફૂંક્યાં છે.

કૃષ્ણા આચ્રાય દિગ્દર્શિત ધૂમ 3 ફિલ્મ 20મી ડિસેમ્બરે ચાર હજાર થિયેટરોમાં રિલીઝ થઈ. લગભગ સો કરોડનું બજેટ ધરાવતી ફિલ્મે જોરદાર પ્રદર્શન કર્યું. સમીક્ષક તરણ આદર્શે ગુરુવારે ટ્વીટ કર્યું - ફિલ્મ ધૂમ 3ના બે અઠવાડિયા. ફિલ્મે હિન્દી ભાષી વિસ્તારોમાં 240.78 કરોડ રુપિયા કમાવ્યાં. તામિળ તેમજ તેલુગુમાં 11.92 કરોડની કમાણી કરી. સરવાળે 252.70 કરોડ રુપિયાની કમાણી. આ ફિલ્મે પ્રદર્શનના પહેલા જ દિવસે 36.22 કરોડની કમાણી કરી હતી અને બીજા દિવસે 33.36 તેમજ ત્રીજા દિવસે 38.09 કરોડની આવક હાસલ કરી હતી.

English summary
Dhoom 3 breaks the records of Chennai Express and Krrish 3. Dhoom 3 collected more than 252 crore in just two weeks. Dhoom 23 has become the maximum Box Office collection movie of the year 2013.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X