• search
For Quick Alerts
ALLOW NOTIFICATIONS  
For Daily Alerts

ફતવો : બાળકોના નામ શાહરુખ-સલમાન ન રાખો!

|

મુંબઈ, 12 ઑગસ્ટ : આજે હિન્દી સિનેમાની આન-બાનશાન છે શાહરુખ ખાન અને સલમાન ખાન. તેમની લોકપ્રિયતાના પગલે આજનો યુવા વર્ગ શાહરુખ-સલમાન બનવાની કોશિશ કરે છે. આપણી યુવા પેઢીની કોશિશ હોય છે કે તેમના જેવો લુક, સ્ટાઇલ રાખે, પણ કેટલાંક લોકોને આ નથી ગમતું. તેથી જ તેમણે ફતવો જારી કરી લોકોને આ બંને સિતારાઓના નામથી પણ દૂર રહેવાની સલાહ આપી છે.

આપને જાણીને આશ્ચર્ય થશે કે ઉત્તર પ્રદેશના મેરઠ શહેરના મૌલવી શફીક-ઉર-રહેમાને ઈદની નમાજ અતા કર્યા બાદ પોતાના મુસ્લિમ ભાઇઓને અપીલ કરી કે તેઓ પોતાના બાળકોના નામ શાહરુખ ખાન કે સલમાન ખાન ન રાખે. મૌલવીની નારાજગીનું કારણ પણ રસપ્રદ છે.

મૌલવીએ જણાવ્યું કે શાહરુખ-સલમાન પોતાની ફિલ્મો ઈદના પ્રસંગે રિલીઝ કરી ખૂબ પૈસા કમાય છે અને આ રકમમાંથી મુસ્લિમ કોમ માટે કશુંય નથી કરતાં. તેથી તેમના દ્વારા ફતવો જારી કરી આ અપીલ કરાઈ છે.

નોંધનીય છે કે ગત વર્ષે ઈદ પ્રસંગે સલમાનની ફિલ્મ એક થા ટાઇગર રિલીઝ થઈ હતી કે જેણે 200 કરોડનો બિઝનેસ કર્યો હતો, જ્યારે આ વર્ષે ઈદ પ્રસંગે લાંબા સમય બાદ શાહરુખની ચેન્નઈ એક્સપ્રેસ રિલીઝ થઈ છે કે જેણે પ્રથમ જ દિવસે 33 કરોડ રુપિયાની કમાણી કરી લીધી હતી. જોવાનું એ રહે છે કે મૌલવી સાહેબની આ અપીલની લોકો પર કેવી અને કેટલી અસર થાય છે?

English summary
Muslim cleric issues fatwa on Eid, says don’t name your children after Shahrukh and Salman Khan.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X