ડ્રગ્સ કેસ: જેલમાં જ રહેશે અભિનેતા અરમાન કોહલી, કોર્ટે જામીન અરજી ફગાવી

અભિનેતા અને ભૂતપૂર્વ બિગ બોસ સ્પર્ધક અરમાન કોહલીની મુશ્કેલીઓ અત્યારે સમાપ્ત થતી હોય તેવું લાગતું નથી. શનિવારે મુંબઈની એક કોર્ટે ડ્રગ કેસમાં ધરપકડ કરાયેલા અભિનેતા અરમાન કોહલીની જામીન અરજી ફગાવી દીધી છે. જણાવી દઈએ કે મુંબઈમાં અરમાન કોહલીના ઘરેથી ડ્રગ્સ જપ્ત કર્યા બાદ તેની ધરપકડ કરવામાં આવી છે. નાર્કોટિક્સ કંટ્રોલ બ્યુરો (NCB) એ 28 ઓગસ્ટના રોજ મુંબઈમાં કોહલીના ઘરે દરોડો પાડ્યો હતો અને કોકેન મળી હોવાનો દાવો કર્યો હતો. જે બાદ તેની ધરપકડ કરવામાં આવી હતી. હાલમાં, અરમાન કોહલીને 14 દિવસ માટે ન્યાયિક કસ્ટડીમાં રાખવામાં આવ્યો છે.

હવે અરમાન કોહલી પણ ડ્રગ્સ કેસની તપાસની ચુંગાલમાં ફસાઈ ગયો છે જે સ્વર્ગસ્થ અભિનેતા સુશાંત સિંહ રાજપૂતના મૃત્યુ પછી શરૂ થયો હતો. એનસીબીના દરોડામાં ઘરમાંથી કોકેન મળી આવ્યા બાદ તેની કેટલાક કલાકો સુધી પૂછપરછ કરવામાં આવી હતી. અરમાન કોહલીના જવાબોથી અસંતુષ્ટ, NCB એ NDPS એક્ટ હેઠળ કેસ નોંધ્યો અને કોહલની ધરપકડ કરી.અરમાન કોહલી સામે NDPS ની કલમ 21a, 27a, 28, 29, 30, 25 હેઠળ ગુનો નોંધવામાં આવ્યો છે. માહિતી અનુસાર, એનસીબીએ શનિવારે ડ્રગ સપ્લાયર અજય રાજુ સિંહની કસ્ટોડિયલ પૂછપરછ દરમિયાન કરેલા ખુલાસા બાદ કોહલીની પૂછપરછ કરવાનો નિર્ણય કર્યો હતો.

Mumbai court dismisses bail application of actor Armaan Kohli, who was arrested in a drugs case

(file photo) pic.twitter.com/GFGfAIyRKu

— ANI (@ANI) September 4, 2021

અરમાન કોહલી કોણ છે?

અરમાન કોહલીનો જન્મ 23 માર્ચ 1972 ના રોજ મુંબઈમાં થયો હતો. તેમના પિતા રાજકુમાર કોહલી છે, જે હિન્દી સિનેમાના પ્રખ્યાત દિગ્દર્શક છે. તેની માતાનું નામ નિશી કોહલી છે જે અભિનેત્રી રહી ચૂકી છે. અરમાન કોહલીએ પોતાનો પ્રારંભિક અભ્યાસ મુંબઈથી જ કર્યો હતો, તેના માતા -પિતાની પૃષ્ઠભૂમિ ફિલ્મી હોવાને કારણે તે બોલીવુડમાં પણ કારકિર્દી બનાવવા માંગતો હતો. જો કે, તેની ફિલ્મી કારકિર્દી લાંબી ન ચાલી અને દર્શકોએ અરમાનને અભિનેતા તરીકે નકારી દીધો. અભિનેતા અરમાન કોહલીએ પોતાની કારકિર્દીની શરૂઆત બાળ કલાકાર તરીકે કરી હતી. તેઓ 'બદલે કી આગ' અને 'રાઝ' ફિલ્મોમાં દેખાયા હતા.

English summary

Drugs case: Actor Arman Kohli to remain in jail, court rejects bail plea