For Quick Alerts
ALLOW NOTIFICATIONS  
For Daily Alerts
Oneindia App Download

નતાશા-ફરદીને ગુમાવ્યાં જોડિયા બાળકો

|
Google Oneindia Gujarati News

Natasha-Fardeen
મુંબઈ, 10 ડિસેમ્બર : થોડાંક જ વખત અગાઉ બૉલીવુડ એક્ટર ફરદીન ખાને પોતાના પત્ની સગર્ભા હોવાની ખુશી સૌની વચ્ચે વહેંચી હતી. તેમણે પોતાની ખુશી વહેંચતાં જણાવ્યુ હતું કે તેમના પત્ની નતાશા માધવાણી જોડકાં બાળકોના માતા બનનાર છે. તે વખતે શહેરમાં ડેંગ્યુની બીમારી ફેલાતાં ફરદીન પોતાના પત્નીને બચાવવા લંડન જઈ ડિલીવરી કરાવવાનો નિર્ણય કર્યો હતો, પરંતુ આટલું કઈં કરવા છતાં ફરદીને પોતાના બંને બાળકો ગુમાવી દીધાં છે.

મળતી માહિતી પ્રમાણે નતાશાનું તાજેતરમાં જ ઍબૉર્શન થઈ ગયું છે. ફરદીન ખાને ટ્વિટર પર આ દુઃખદ સમાચાર પોતાના ફૅન્સને આપી છે. ફરદીન ખાને લખ્યું - હું નતાશા સગર્ભા થવાના સમાચાર આપતી વખતે જેટલો ખુશ હતો, તેટલો જ આજે તેના મિસકૅરેજના સમાચાર આપતા દુઃખી છું. જેમ કે કહેવાય છે કે હમને તુમ્હે નહીં મારા, હમ સિર્ફ તુમ્હેં સ્ટ્રૉંગ બનાતે હૈં. જિંદગી યહી હૈ (અમે તમને નથી માર્યાં, અમે માત્ર તમને સ્ટ્રૉંગ બનાવીએ છીએ. જિંદગી આ જ છે).

ફરદીન ખાને સાથે એમ પણ લખ્યું છે - સૌથી જરૂરી અને મહત્વની વાત એ છે કે નતાશા હવે સાજા છે અને ફરીથી માતા બનવાનો પ્રયત્ન કરવા માંગે છે. મેં એક સંઘર્ષશીલ છોકરી સાથે લગ્ન કર્યાં.

વનઇન્ડિયાના તમામ દર્શકો તરફથી ફરદીન ખાન અને તેમના પત્ની નતાશાને વહેવામાં વહેલી તકે આ ખરાબ સમયમાંથી પસાર થવા માટેની દુઆ કરે છે. સાથે જ આશા સેવે છે કે જલ્દીથી તેઓ ફરી માતા-પિતા બનવાની ખુશી હાસલ કરે.

નોંધનીય છે કે ફરદીન ખાનના પત્ની નતાશા માધવાણી બૉલીવુડના જાણીતા અભિનેત્રી મુમતાઝના પુત્રી છે.

English summary
Fardeen Khan's wife Natasha Madhvani has a miscarriage and lost her unborn babies. Fardeen Khan announced the heart breaking news on Twitter. We wish Natasha a healthy life and a speedy recovery.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X