કંગનાએ આ ખાસ કારણે 600 રૂપિયાની સાડી પહેરી

કંગના રાનૌટની એક તસવીર ઇન્ટરનેટ પર વાયરલ થઈ રહી છે. જેમાં તે મુંબઈ એરપોર્ટ પર ઓફ-વ્હાઇટ સાડી અને બ્લેક ઓવરકોટ પહેરેલી જોવા મળી રહી છે. સોશિયલ મીડિયામાં આ સાડીની ખૂબ ચર્ચા થઈ રહી છે. ખરેખર, આ સાડી તેની કિંમતને કારણે ચર્ચાઈ રહી છે. કંગનાએ મુંબઇ એરપોર્ટથી જયપુર જતી વખતે આ સાડી પહેરી હતી. તેની કિંમત માત્ર 600 રૂપિયા હતી. આ માહિતી કંગનાની બહેન રંગોલીએ આપી છે.

કોલકાતાથી 600 રૂપિયાની સાડી ખરીદી

રંગોલીએ એક ટ્વિટમાં લખ્યું હતું- કંગનાએ તાજેતરમાં કોલકાતાથી 600 રૂપિયાની સાડી ખરીદી હતી. આ સાડી પહેરીને તે જયપુરમાં એક ઇવેન્ટ માટે નીકળી હતી. મને જાણીને આશ્ચર્ય થયું કે આટલા ઓછા ભાવે કોઈ સારી ગુણવત્તાની ઓર્ગનિક કોટન કેવી રીતે મેળવી શકે છે. કંગનાને પણ ચિંતા હતી કે આ કારીગરો કેટલી મહેનત કરે છે અને આટલું ઓછું કમાય છે.

તમારા કારીગરોને ટેકો આપો

રંગોલીએ વધુ એક ટ્વિટ કરીને લખ્યું, આંતરરાષ્ટ્રીય બ્રાન્ડ આ બધું છીનવી લે તે પહેલાં, કૃપા કરીને તમારા કારીગરોને ટેકો આપો. હવે જો કંગનાના આ લુક વિશે વાત કરીયે તો, કંગનાએ બોર્ડરવાળી પેસ્ટલ રંગની કોટન સાડી પહેરી હતી. આ સિમ્પલ સાડી સાથે કંગનાએ બ્લેક કલરનો ઓવરકોટ લગાવ્યો હતો.

600 રૂપિયાની સાડી પરંતુ 2 લાખ રૂપિયાની બેગ

કંગનાએ ભલે 600 રૂપિયાની સાડી પહેરી હશે, પરંતુ કંગનાએ જે બેગ પોતાની સાથે રાખી હતી તે ખૂબ મોંઘી હતી. કંગના પાસે Prada બેગ હતી, જેની કિંમત 2 લાખ રૂપિયા છે. વળી, આ લુકને પૂર્ણ કરવા માટે, તેને વાળમાં બન બનાવ્યો હતો અને ચશ્માં લગાવ્યા હતા, જેનાથી તેનો લુકમાં ખૂબ જ ખાસ દેખાતો હતો. જો આપણે કંગનાના વર્કફ્રન્ટ વિશે વાત કરીશું તો તે જલ્દી જ જયલલિતાની બાયોપિક પર કામ કરવાનું શરૂ કરશે અને ટૂંક સમયમાં તે 'પંગા' અને 'ધાકડ' જેવી ફિલ્મોમાં પણ જોવા મળશે.