સલમાન ખાન પછી રિતિક રોશન, 500 કરોડની જબરજસ્ત ડીલ...
ભલે છેલ્લા 2 વર્ષમાં રિતિક રોશન ની કોઈ પણ ફિલ્મ ના આવી હોય પરંતુ આજે પણ બોલિવૂડમાં તેમના પર આંખ બંધ કરીને ભરોષો કરવામાં આવે છે. હાલ રિતિક રોશન તેમની ફિલ્મ મોહેં જો દડો સાથે તૈયાર છે. આ ફિલ્મ 12 ઓગસ્ટ 2016 ના રોજ આવી રહી છે.
મોહેં જો દડો બાદ આવશે સંજય ગુપ્તાની ફિલ્મ કાબિલ, જે રાકેશ રોશન ના બેનર હેઠળ બની રહી છે. આપણે જણાવી દઈએ કે કાબિલ ના સેટેલાઇટ રાઈટ્સ 45 કરોડમાં વેચાઈ ચુક્યા છે. જોવા જઈએ તો આ ફિલ્મનું શૂટિંગ પણ હજુ સુધી પૂરું નથી થયું.
એટલું જ નહીં પરંતુ રિતિક રોશન ની આવનારી 6 ફિલ્મોના સેટેલાઇટ રાઈટ્સ કુલ 550 કરોડમાં વેચાઈ ચુક્યા છે. આ વાતમાં કોઈ જ શંકા નથી કે આ ડીલ ખૂબ જ ધમાકેદાર છે. આપણે જણાવી દઈએ કે આ પ્રકારની ડીલ રિતિક રોશન પહેલા ખાલી સલમાન ખાન જ સાઈન કરી ચુક્યા હતા. વર્ષ 2013માં સલમાન ખાને 500 કરોડની ડીલ સાઈન કરી હતી.
આમ જોવા જઈએ તો રિતિક રોશનની આ પ્રકારની ડીલ મળવા માટેનું કારણ છે તેમની પાછલી ફિલ્મોએ કરેલો રેકોર્ડ બિઝનેસ. રિતિક રોશનની આવનારી ફિલ્મ મોહેં જો દડો પાસેથી પણ લોકોને ઘણી અપેક્ષા છે.