For Quick Alerts
ALLOW NOTIFICATIONS  
For Daily Alerts
Oneindia App Download

પ્રિયા રુંચાલને પરણશે જ્હૉન, પણ બે વરસ પછી

|
Google Oneindia Gujarati News

મુંબઈ, 18 ફેબ્રુઆરી : સિને જગતના હૅન્ડસમ અને ડૅશિંગ હીરોમાંના એક જ્હૉન અબ્રાહમના લગ્નનો ઇંતેજાર તેમના ફૅન્સને આતુરતાપૂર્વક છે. આ મુદ્દે હંમેશા શાંત રહેતાં જ્હૉને હવે મૌન તોડતાં જણાવ્યું કે તેઓ અને તેમના પ્રેમિકા પ્રિયા રુંચાલ એક-બીજાને બેહદ પ્રેમ કરીએ છીએ. જ્હૉને જણાવ્યું કે તેઓ પ્રિયા સાથે જ લગ્ન કરશે, પરંતુ બે વરસ પછી, કારણ કે પ્રિયા હજી અભ્યાસ કરે છે અને તેનો અભ્યાસ પૂર્ણ થવામાં બે વરસ બાકી છે. તેથી જ્હૉને બે વરસ રાહ જોવી પડશે.

john-abraham

પોતાના આ ખૂબસૂરત ઇંતેજાર અંગે જ્હૉન અબ્રાહમે જણાવ્યું કે પ્રિયા ખૂબ જ સ્નેહાળ તથા નિખાલસ છોકરી છે. તેનો સાથ પામી હું પોતાની જાતને ભાગ્યશાળી સમજુ છું. તેથી મને આ ઇંતેજાર પણ ગમી રહ્યો છે. લગ્ન તો પ્રિયા સાથે જ કરવાનાં છે. તેથી બે વરસ બાદ સહી.

નોંધનીય છે કે જ્હૉન તથા બિપાશા બાસુ ક્યારેક બે જિસ્મ અને એક જાન હતાં, પરંતુ નવ વરસ બાદ આ પ્રેમ સંબંધ તુટી ગયો કે જેનું કારણ કોઈ આજ સુધી જાણી શક્યું નથી. બિપાશાથી અળગા થયા બાદ જ્હૉનને તો પ્રિયા રુંચાલ મળી ગઈ, પરંતુ બિપાશા આજેય તન્હા છે. એટલે જ તો તેમનું નામ સલમાન ખાન, હરમન બવેજા, ડીનો મારિયો જેવા લોકો સાથે જોડાતું રહે છે. જોઇએ બે વરસ બાદ જ્હૉન સાચે જ પ્રિયા સાથે લગ્ન કરી શકશે કે કેમ? આપને જણાવી દઇએ કે પ્રિયા રુંચાલ એક બૅંકર છે કે જે મુંબઈમાં વર્લ્ડ બૅંકમાં નોકરી કરે છે.

English summary
John Abraham spills the beans on his marriage with Priya Runchal.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X