• search
For Quick Alerts
ALLOW NOTIFICATIONS  
For Daily Alerts

સૌમિકે બનાવ્યાં જુહી-માધુરીના સંબંધો સૌમ્ય

|
Google Oneindia Gujarati News

મુંબઈ, 4 મે : જુહી ચાવલા અને માધુરી દીક્ષિત. બંને પોતાના સુવર્ણકાળના સ્ટાર અભિનેત્રીઓ હતાં અને તે દરમિયાન તેઓ ક્યારેય એક સાથે કોઈ ફિલ્મમાં આવ્યા નહોતાં. જોકે બંને વચ્ચેના સંબંધોમાં ક્યારેય કડવાશ નહોતી, તો આ સંબંધો મૈત્રીપૂર્ણ પણ નહોતાં, પરંતુ સમય પસાર થતાં કદાચ બંનેનો અહમ ઓગળી ગયો અને હવે બંને પહેલી વાર એક સાથે ગુલાબ ગૅંગ ફિલ્મમાં આવી રહ્યાં છે.

પરંતુ સૌથી મોટો સવાલ એ છે કે જુહી ચાવલા અને માધુરી દીક્ષિત વચ્ચેની અહમની આ દીવાળ પાડી કોણે? કોણે બનાવ્યાં જુહી-માધુરી વચ્ચેના સંબંધોને સૌમ્ય. જવાબ છે સૌમિક સેન. જુહી-માધુરીને એક સાથે લાવવાનો શ્રેય ગુલાબ ગૅંગ ફિલ્મના દિગ્દર્શક સૌમિક સેનને ફાળે જાય છે. સૌમિકના પ્રયત્નોએ જ આવું સંભવી શક્યું.

તાજેતરમાં જ જુહી ચાવલાએ જણાવ્યુ હતું - ગુલાબ ગૅંગ ફિલ્મના દિગ્દર્શક સૌમિક સેને મને અને માધુરી દીક્ષિતને પોતાની ઑફિસે બોલાવ્યાં અને જણાવ્યું કે આપ બંને એક-બીજા સાથે કંઈક વાત કરો, કોઈ પણ વાત, કોઈ પણ વિષય ઉપર. જુહી ચાવલાએ જણાવ્યું કે આ મીટિંગ બાદ જ મારી અને માધુરી વચ્ચેની અહમની દીવાળ ધીમે-ધીમે પડી ભાંગી અને અમે બંને સારા મિત્રો બની ગયાં.

નોંધનીય છે કે 1984ના મિસ ઇન્ડિયા અને સુંદર અભિનેત્રીએ 90ના દાયકામાં મરાઠી વાળા માધુરી દીક્ષિતને જોરદાર ટક્કર આપી હતી. બૉલીવુડમાં માધુરીના નંબર વન સિંહાસનને ડોલાવનાર જુહી ચાવલાએ ક્યારેય માધુરી સાથે કોઈ પણ ફિલ્મમાં કામ કર્યુ નથી. જોકે બંને વચ્ચે ક્યારેય કોઈ ઝગડો નહોતો થયો, પણ છતાં ફિલ્મી પડદે બંનેની સરખામણી થતી હતી અને તેથી બંને વચ્ચે ક્યારેય મિત્રતા જોવાઈ નહોતી.

English summary
Juhi Chawla says she is very happy to work with Madhuri Dixit in Gulab Gang. Juhi Chawla also said that Madhuri Dixit is the best co-star of her till now.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X