ટાગોર અને ભાભી કાદંબરી દેવીના સંબંધો વિશે બનશે ફિલ્મ

મુંબઈ, 10 ડિસેમ્બર : ગુરુદેવ રવીન્દ્રનાથ ટાગોરના જીવનના અનેક રસપ્રદ પાસાઓ અંગે દુનિયા અજાણ છે. તેવા પાસાઓમાં જ એક છે ગુરુદેવ અને તેમના ભાભી કાદંબરી દેવી વચ્ચેનો વિવાદાસ્પદ સંબંધ. આ સંબંધ ઉપર હવે ફિલ્મ બની રહી છે અને રાષ્ટ્રીય પુરસ્કારથી સન્માનિત ફિલ્મ દિગ્દર્શક સુમન ઘોષ આ ફિલ્મ બનાવી રહ્યાં છે. સુમન ટાગોર-કાદંબરીના સંબંધની સત્યતા રૂપેરી પડદે રજૂ કરવાનો પ્રયત્ન કરનાર છે.

મળતી માહિતી મુજબ આ ફિલ્મમાં ગુરુદેવ રવીન્દ્રનાથ ટાગોરનો રોલ કરશે બંગાળી અભિનેતા પરમબ્રત ચૅટર્જી, જ્યારે કાદંબરી દેવીનો રોલ કોંકણા સેન શર્મા કરશે. સુમને મીડિયાને જણાવ્યું કે આ ફિલ્મનું નિર્માણ તેઓ પ્રભાત મુખોપાધ્યાનંદ દ્વારા લખાયેલી ટાગોરના જીવન-ચરિત્ર તથા ટાગોરે લખેલી જીવન સ્મૃતિ વાંચ્યા બાદ કરી રહ્યાં છે. સુમનને પુરતી આશા છે કે તેમની કોશિશને લોકો જરૂર પસંદ કરશે.

આ અગાઉ દિગ્દર્શક સંગીતા દત્તે આ મહાન કવિની 150મી જન્મજયંતીએ તેમના જીવન પર ફિલ્મ બનાવવાની યોજના બનાવી હતી. સંગીતાની પ્રથમ ફિલ્મ લાઇફ ગોઝ ઑન 25મી માર્ચે ભારતમાં રિલીઝ થઈ હતી. દત્તા કહે છે - રવીન્દ્રનાથ ટાગોરના જીવન પર આધારિત જે યોજના પર કામ કરી રહી છું, તે ઘણી પ્રેરક છે. મારૂ માનવું છે કે હજી આ અંગે વધુ કંઈ કહેવું ઉતાવળિયું ગણાશે. આ ફિલ્મમાં તેમના જીવનનો એક નાનકડો અંશ હશે. ટાગોરે ઇંગ્લૅન્ડ ખાતે જે સમય પસાર કર્યો, તેની ઉપર ઘણુ બધુ કહી શકાય છે.

English summary

Actress Konkona Sen Sharma is all set to enact the role of Rabindranath Tagore’s sister-in-law, Kadambari Devi in The director Suman Ghosh's Film.