• search
For Quick Alerts
ALLOW NOTIFICATIONS  
For Daily Alerts

એસએલબી માટે ‘લુટેરા’ના આયટમ ગર્લ બનશે માધુરી

|
Google Oneindia Gujarati News

મુંબઈ, 28 જૂન : બૉલીવુડ દિવા તથા માતા સરસ્વતીના ઉપાસક માધુરી દીક્ષિતની ત્રીજી ઇનિંગ રૂપેરી પડદે કયો કમાલ કરશે, તે તો હજી ખબર નથી, પણ એટલું નક્કી છે કે માધુરીની ડિમાંડમાં કોઈ કમી નથી આવી. આજે પણ મોટી-મોટી ફિલ્મોના નિર્માતાઓ તેમને સાઇન કરવા આતુર છે. એટલે જ તો ટીવીથી માંડી મોટા પડદા ઉપર માધુરી પોતાના ડાન્સના જલવા પાથરતાં દેખાઈ રહ્યાં છે.

તાજેતરમાં જ રિલીઝ થયેલી યે જવાની હૈ દીવાની ફિલ્મમાં રણબીર કપૂર સાથે આયટમ સૉંગ કરી માધુરીએ સિદ્ધ કરી આપ્યું કે અશ્લીલતા વગર પણ આયટમ નંબર રજૂ કરી શકાય. ફિલ્મ હિટ થઈ અને ગીત પણ. એટલે જ ફરી એક વાર જાણીતા ફિલ્મ નિર્માતા સંજય લીલા ભાનુશાળી એટલે કે એસએલબીએ માધુરીને પોતાની ફિલ્મ રામલીલામાં એક આયટમ સૉંગ માટે ઍપ્રોચ કર્યું છે અને માધુરીએ હા પણ કહી દીધી છે.

રામલીલા ફિલ્મના આયટમ સૉંગમાં માધુરી દીક્ષિત અભિનેતા રણવીર સિંહ સાથે નજરે પડશે. ફિલ્મમાં દીપિકા પાદુકોણે નાયિકા છે. રણવીર હાલ સોનાક્ષી સિન્હા સાથેની લુટેરા ફિલ્મના પ્રમોશનમાં વ્યસ્ત છે. આ લુટેરા સાથે હવે માધુરી દીક્ષિત રામલીલામાં આયટમ સૉંગ કરશે. નોંધનીય છે કે માધુરીએ એસએલબી સાથે દેવદાસ ફિલ્મમાં કામ કર્યુ હતું.

English summary
After Ranbeer Kapoor Bollywood Diva Madhuri Dixit to shake a leg with Ranveer Singh in Sanjay Leela Bhansali's Film Ram Leela.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X