• search
For Quick Alerts
ALLOW NOTIFICATIONS  
For Daily Alerts

ગાયક મીકા સિંહનો ધરપકડ બાદ છુટકારો

|
Google Oneindia Gujarati News

મુંબઈ, 7 ફેબ્રુઆરી : જાણીતા ગાયક મીકા સિંહ પુનઃ એક વખત વિવાદોમાં ઘેરાયાં છે. આ વખતે કારણ રાખી સાવંત નથી, પણ વિદેશી મુદ્રા છે. તેથી તેમને બુધવારે વહેલી સવારે મુંબઈ ઍરપોર્ટે કસ્ટમ અધિકારીઓએ રોક્યા હતાં. બૅંગકૉકથી મુંબઈ પરત ફરતાં મીકા સિંહ મર્યાદા કરતાં વધુ વિદેશી મુદ્રા લઈને આવ્યા હતાં. તેથી ગ્રીન ચૅનલ ક્રૉસ કરતી વખતે તેમને કસ્ટમ અધિકારીઓએ પકડી પાડ્યાં. મીકા સિંહની બુધવારે વહેલી સવારે ત્રણ વાગ્યે ધરપકડ કરવામાં આવી હતી. જોકે પછીથી તેમને બેલ મળી ગઈ અને હાલ તેમનો છુટકારો થઈ ગયો છે.

કહે છે કે મીકા પાસે ત્રણ લાખ રુપિયા અને 12 હજાર અમેરિકી ડૉલર એટલે કે લગભગ છ લાખ રુપિયા મળ્યાં. ધરપકડ અગાઉ મીકાની લગભગ છ કલાક લાંબી પૂછપરછ કરવામાં આવી. મીકાએ જણાવ્યું કે તેઓ બૅંગકૉકમાં શો કરીને પાછા ફર્યાં છે. તેથી તેમની પાસે આટલા નાણાં છે. હાલ તેમને બેલ મળી ગઈ છે.

નોંધનીય છે કે મીકા અને વિવાદ કાયમ લગોલગ જ ચાલે છે. મીકા અગાઉ ફિલ્મી જગતના અન્ય સિતારાઓ અનુષ્કા શર્મા, દીયા મિર્ઝા, મિનીષા લાંબા ટૅક્સ ચોરીમાં ઝડપાયાં છે. હાલ તો મીકા સિંહે પોતાની ધરપકડ અને છુટકારા અંગે મીડિયા સાથે કોઈ વાતચીત કરી નથી. કસ્ટમ કાનૂન હેઠળ કોઈ પણ ભારતીય સાડા સાત હજાર રુપિયા અને પાંચ હજાર ડૉલર કરતાં વધુ નાણાં દેશમાં લાવી શકે નહીં. જો આમ હોય, તો તે અંગે કસ્ટમ વિભાગને માહિતી આપવી પડે છે.

English summary
Singer Mika ran out of tune with the custom officials at the Mumbai Airport and was detained by the customs department for violation of FEMA rules.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X