સલમાન સાથે કોઈ અંગત અદાવત નથી : શાહરુખ ખાન

મુંબઈ, 3 નવેમ્બર : બૉલીવુડ અભિનેતા શાહરુખ ખાને શનિવારે પોતાના 48મા જન્મ દિવસ પ્રસંગે જણાવ્યું કે અભિનેતા સલમાન ખાન અને તેમની વચ્ચે કોઈ પણ જાતની અદાલત કે અહમ્ નથી.

શાહરુખને પૂછવામાં આવ્યું કે શું સિનેપ્રેમીઓ તેમને અને સલમાનને કોઈ ફિલ્મમાં સાથે જોઈ શકશે? શાહરુખે જણાવ્યું - આ સવાલ તમે નિર્માતા-દિગ્દર્શકોને પૂછો કે તેઓ અમે બંનેને સાથે લેવા માંગે છે કે નહીં. જો અમને એવી કોઈ તક મળે, તો કેમ નહીં અમે સાથે કામ કરીશું? સલમાન અને મારી વચ્ચે કોઈ અંગત અદાવત કે અહમનો પ્રશ્ન નથી. વાત બસ એટલી જ છે કે અમારા રસ્તાઓ જુદા-જુદા છે. અમે ઘણા વર્ષોથી એક-બીજાને જાણીએ છીએ. હું તેમના પરિવારને સારી રીતે જાણુ છું. જોઇએ આગળ શું થાય છે.

નોંધનીય છે કે કોંગ્રેસના ધારાસભ્ય બાબા સિદ્દીકી દ્વારા ગત મહીને યોજાયેલી ઇફ્તાર પાર્ટીમાં સલમાન ખાન અને શાહરુખ ખાન વચ્ચે અદ્ભુત મિલન તો થયું અને મીડિયાએ ચર્ચા છેડી દીધી કે બંને વચ્ચેની દુશ્મની કદાચ ખતમ થઈ ગઈ. એટલું જ નહીં, બંને જે રીતે ઉત્સાહપૂર્વક એક-બીજાને ભેટ્યા હતાં, તેથી લાગ્યુ હતું કે આગામી સમયમાં અવારનાર અમુક પ્રસંગોએ બંને મળશે અને દુશ્મનીના વાદળા વિખેરાતાં જશે.

English summary

Shahrukh Khan, speaking Saturday after he turned 48, said there is no personal angst or ego between him and Salman Khan.