'ધુરંધર' જોયા પછી અલ્લુ અર્જુનથી લઈને રોહિત શેટ્ટી સુધીના દિગ્ગજોએ કર્યા રણવીર સિંહના વખાણ
Dhurandhar: બોલિવૂડ અભિનેતા રણવીર સિંહની તાજેતરમાં રિલીઝ થયેલી ફિલ્મ 'ધુરંધર'એ બોક્સ ઓફિસ પર ધમાકો કર્યો છે, એટલું જ નહીં પરંતુ તેના અભિનયની ચર્ચા આખા ફિલ્મ જગતમાં થઈ રહી છે. ફિલ્મ વિવેચકો, વરિષ્ઠ કલાકારો, રાષ્ટ્રીય પુરસ્કાર વિજેતાઓ અને સામાન્ય દર્શકો - બધા જ એક સ્વરે માની રહ્યા છે કે રણવીરે તેના કરિયરનો અત્યાર સુધીનો સૌથી પ્રભાવશાળી અને બહુઆયામી દેખાવ આપ્યો છે. ઘણા લોકો તેને છેલ્લા વર્ષોનો સૌથી "મેગ્નેટિક અને લેયર્ડ" અભિનય ગણાવી રહ્યા છે.
સાઉથ સ્ટાર અલ્લુ અર્જુને કર્યા ખુલ્લા વખાણ
આ સપ્તાહે સૌથી મોટી પ્રશંસા સાઉથ સુપરસ્ટાર અલ્લુ અર્જુન તરફથી આવી. ફિલ્મ જોયા બાદ તેમણે સોશિયલ મીડિયા પર લખ્યું, "હમણાં જ 'ધુરંધર' જોઈ. શાનદાર ફિલ્મ... ઉત્તમ પરફોર્મન્સ, અદ્ભુત ટેકનિકલ ટીમ અને કમાલનો સાઉન્ડટ્રેક. મારા ભાઈ રણવીર સિંહની મેગ્નેટિક હાજરી - તેણે પોતાની વર્સેટિલિટીથી શો લૂંટી લીધો છે."
અલ્લુ અર્જુને આ સાથે જ અક્ષય ખન્નાની "કરિશ્માઈ આભા", સંજય દત્ત, માધવન અને અર્જુન રામપાલની "રોક-સોલિડ હાજરી" અને સારા અર્જુનની "સ્વીટ સ્ક્રીન પ્રેઝન્સ"ની પણ ખૂબ પ્રશંસા કરી હતી. તેમણે નિર્દેશક આદિત્ય ધર અને નિર્માતાઓને તેમના વિઝન અને શૈલી માટે બિરદાવ્યા હતા.
રોહિત શેટ્ટીનો ભાવનાત્મક સંદેશ
પ્રખ્યાત નિર્દેશક રોહિત શેટ્ટીએ પણ રણવીર સિંહ માટે ભાવુક ટિપ્પણી શેર કરી. તેમણે લખ્યું, "આદિત્ય ધર અને આખી ટીમને મારા સલામ... તમે એક 'મોન્સ્ટર' (જબરદસ્ત કૃતિ) બનાવી છે. રણવીર મારા ભાઈ, આપણો ટાઇમ આવી ગયો છે (અપના ટાઇમ આ ગયા)."
રોહિત શેટ્ટીએ વધુમાં જણાવ્યું કે, "અક્ષયને તે સન્માન મળતું જોવું અદ્ભુત છે, જેનો તે વર્ષોથી હકદાર હતો. 'URI' થી લઈને 'ધુરંધર' સુધીની
આદિત્યની સફર પ્રેરણાદાયક છે... આ નવું હિન્દી સિનેમા છે - હવે તે ઘૂસીને મારશે!" રોહિતની આ પ્રતિક્રિયા ઇન્ડસ્ટ્રીમાં રણવીરના પ્રદર્શન માટે જે ઉમળકો છે, તેને દર્શાવે છે.
વિવેચકો અને જનતાની એકસમાન પ્રશંસા
ફિલ્મ વિવેચકોએ રણવીરને "વિસ્ફોટક (Explosive)", "મેગ્નેટિક", "લેયર્ડ" અને "સંપૂર્ણપણે રૂપાંતરિત (Transformed)" ગણાવ્યો છે. દર્શકો તરફથી પણ હાઉસફુલ શો, વારંવાર ફિલ્મ જોવાની લહેર અને સોશિયલ મીડિયા પર વખાણનો વરસાદ સ્પષ્ટ કરે છે કે, રણવીરનું આ પ્રદર્શન લોકોના હૃદયને ઊંડાણપૂર્વક સ્પર્શી ગયું છે.
Click it and Unblock the Notifications
Sign in with Google
