• search
For Quick Alerts
ALLOW NOTIFICATIONS  
For Daily Alerts

Review With Pics : પ્રેમ, દગો, આશા ને જીવન છે બૉમ્બે ટૉકીઝ

|

મુંબઈ, 3 મે : બૉમ્બે ટૉકીઝ ફિલ્મમાં ચાર દિગ્દર્શકોની લઘુકથાઓ એવી રીતે દર્શાવાઈ છે કે આપને કંઈ પણ વિચારવાનો જરાય સમય નહીં મળે. ચારે દિગ્દર્શકોની કથાઓ જુદી-જુદી દર્શાવાઈ છે. તે એક-બીજા સાથે સાંકળવામાં આવી નથી. દરેક કથા સમાપ્તથયા બાદ બીજી કથા શરૂ થતા અગાઉ દર્શકોને થોડીક ક્ષણોનો સમય મળશે કે તેઓ પોતાને પ્રથમ કથાથી થોડોક ખસેડી લે. ફિલ્મના અંતે આપણા જૂના સિનેમા અને નવા સિનેમાની પણ ઝલક દર્શાવાઈ છે કે જેથી દર્શકોને અહેસાસ થાય છે કે આપણી ફિલ્મ ઇન્ડસ્ટ્રીમાં આ સો વર્ષોમાં કેટલા પરિવર્તનો આવ્યાં છે.

બૉમ્બે ટૉકીઝ ફિલ્મની શરુઆત થાય છે કરણ જૌહરની લઘુકથા સાથે અને પછી દિબાકર બૅનર્જી, ઝોયા અખ્તર તેમજ અનુરાગ કશ્યપની લઘુકથાઓ વારાફરતી આવે છે. ચારે કથાઓમાં દિગ્દર્શકોની છબી સ્પષ્ટ નજરે પડે છે. જેવું કે દિબાકર બૅનર્જીએ જણાવ્યું હતું કે બૉમ્બે ટૉકીઝ ફિલ્મ ચારે દિગ્દર્શકોની પ્રથમ ફિલ્મ જેવી લાગશે. ફિલ્મ જોઈને સાચે જ એવું જ લાગ્યું. બૉમ્બે ટૉકીઝે સાચે જ પોતાના ઇન્ડિયના સિનેમાના 100 વર્ષ પૂર્ણ થવાની ઉજવણી કરી નાંખી.

બૉમ્બે ટૉકીઝ ફિલ્મમાં રાણી મુખર્જી, રણદીપ હુડા, નવાઝુદ્દીન સિદ્દીકીની એક્ટિંગ ખૂબ બહેતરીન છે. નવાઝુદ્દીનની એક્ટિંગ તો આપની આંખોમાં ચોક્કસ આંસૂ લાવી મૂકશે, પરંતુ દુઃખ કા નહીં, પણ ખુશીના આંસૂ, કારણ કે ફિલ્મમાં નવાઝુદ્દીનનો રોલ એક એવા માણસનો છે કે જે પોતાના જીવનને લઈને ખૂબ જ આશાવાદી છે. આટલી મુશ્કેલીઓનો સામનો કરવા છતા તે ક્યારેય હાર નથી માનતો.

આવો તસવીરોમાં જોઇએ સાથે માણીએ બૉમ્બે ટૉકીઝ ફિલ્મની ચારે લઘુકથાઓ.

કરણ જૌહરની કથા

કરણ જૌહરની કથા

બૉમ્બે ટૉકીઝ ફિલ્મની શરુઆત થાય છે કરણ જૌહરની લઘુકથા સાથે. કરણની વાર્તામાં રાણી મુખર્જી, રણદીપ હુડા તથા વિનીત કુમારે મુખ્ય ભૂમિકા ભજવી છે. રાણી અને રણદીપ પરિણીત યુગલ છે. વિનીત એક ગે છે કે જેને તેના જ પિતા ઘરેથી કાઢી મૂકે છે. વિનીત રાણીની ઑફિસે કામ કરે છે અને એક દિવસ રાણી તેને પોતાના ઘરે ભોજન માટે બોલાવે છે. તે દિવસ બાદ કઈ રીતે ત્રણેના જીવન બદલાય છે અને કયા વિચિત્ર વળાંકો આવે છે, તે ખૂબ જ રોમાંચક છે.

દિબાકર બૅનર્જની કથા

દિબાકર બૅનર્જની કથા

દિબાકર બૅનર્જીની કથા એક એવા માણસની છે કે જે થિયેટર આર્ટિસ્ટ છે અને ઘણા વખતથી સંઘર્ષ કરી રહ્યો છે. એક દિવસ તેને અચાનક જ તક મળે છે એક નાનકડો રોલ ભજવવાની. તે ક્ષણને તે કઈ રીતે પોતાના જીવનનો સૌથી સુંદર ક્ષણ બનાવી લે છે. આ જ ખાસ બાબત છે આ વાર્તામાં. નવાઝુદ્દીન સિદ્દીકીએ દિબાકર બૅનર્જીની વાર્તાને પડદે ઉતારી છે.

ઝોયા અખ્તરની કથા

ઝોયા અખ્તરની કથા

ઝોયા અખ્તરે એક એવા છોકરાની વાર્તા દર્શાવી છે કે બાળપણથી જ ડાન્સર બનવા માંગે છે, તે પણ શીલા એટલે કે આપણા કૅટરીના કૈફની જેમ. આખરે એક દિવસ તેને મોકો મળે છે લોકો સામે શીલા કી જવાની ડાન્સ કરી પોતાનું ટૅલેંટ બતાવવાનો અને પોતાનું સ્વપ્ન જીવવાનો.

અનુરાગ કશ્યપની કથા

અનુરાગ કશ્યપની કથા

અનુરાગ કશ્યપે જણાવ્યુ હતું કે જો તેમને પોતાની ફિલ્મનું અલગથી ટાઇટલ રાખવાનું કહેવાત, તો તેઓ તેનું નામ મુરબ્બા રાખત. વાત બિલ્કુલ સાચી છે. અનુરાગની કથા એક એવા છોકરાની વાર્તા છે કે જે પોતાના પિતાના કહેવાથી અલ્હાબાદથી મુંબઈ શહેર આવે છે કે જેથી તે અમિતાભ બચ્ચનને મળી પોતાની સાથે લાવેલ મુરબ્બો ચખાવી શકે અને તે અડધો એંઠો મુરબ્બો ઘરે આવી પોતાના પિતાને આપી શકે.

બૉમ્બે ટૉકીઝને સૌની સલામ

બૉમ્બે ટૉકીઝને સૌની સલામ

બૉમ્બે ટૉકીઝ ફિલ્મના અંતે બૉલીવુડના હાલના લગભગ તમામ ટૉપના આર્ટિસ્ટોએ મળી ફિલ્મ ઇન્ડસ્ટ્રીના 100 વર્ષ પૂર્ણ થવાની ઉજવણી હેઠળ ભારતીય સિનેમાને સલામ કરી છે અને સાથે મળી ‘અપના બૉમ્બે ટૉકીઝ...' ગીત ઉપર પરફૉર્મ કર્યું છે. જોકે આટલા સ્ટાર્સ એક સાથે આવતાં ઘણું બધું મિસ મૅનેજ થઈ ગયું, પરંતુ ફિલ્મની થીમના હિસાબે ફિલ્મનો અંત બિલ્કુલ પરફેક્ટ હતો. અમિતાભ આવતાં ફિલ્મ કમ્પ્લીટ થઈ ગઈ.

English summary
Bombay Talkies movie consists of four short films, written by Karan Johar, Anurag Kashyap, Zoya Akhtar and Dibakar Bannerjee. Bombay Talkies movie is being made to mark the centenary year of Indian cinema.

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more