હિટ થઈ ગઈ સાહેબ બીવી ઔર ગૅંગસ્ટર રિટર્ન્સ : પ્રિવ્યૂ
મુંબઈ, 7 માર્ચ : તિગ્માંશુ ધુલિયાની સાહેબ બીવી ઔર ગૅંગસ્ટર રિટર્ન્સ ફિલ્મ આવતીકાલે રિલીઝ થવાની છે, પરંતુ ફિલ્મ અંગે મળતી સારી કૉમેન્ટ્સ જોતાં લાગે છે કે ફિલ્મ રિલીઝ થયા પહેલા જ હિટ થઈ ગઈ છે. સાહેબ બીવી ઔર ગૅંગસ્ટર વર્ષ 2011માં રિલીઝ થઈ હતી અને હવે રિટર્ન્સ સાથે તેની સિક્વલ રિલીઝ થવા જઈ રહી છે. સિક્વલમાં માહી ગિલ અને જિમી શેરગિલને રિપીટ કરાયાં છે, તો સોહા અલી ખાન અને ઇરફાન ખાન નવી એન્ટ્રી છે.
સાહેબ બીવી ઔર ગૅંગસ્ટર રિટર્ન્સ ફિલ્મમાં માહી ગિલે પહેલાની જેમ જ ખૂબ હૉટ અને બોલ્ડ સીન્સ આપ્યાં છે. એટલું જ નહીં, તેઓ આ ફિલ્મમાં એક ડગલું આગળ રહ્યાં છે.
સાહેબ બીવી ઔર ગૅંગસ્ટર રિટર્ન્સ ફિલ્મની વાર્તા ત્યાંથી જ આગળ ચાલે છે કે જ્યાં સાહેબ બીવી અને ગૅંગસ્ટર ફિલ્મ ખતમ થઈ હતી. પ્રથમ ભાગમાં માહી અને જિમી વચ્ચે અનેક હૉટ સીન્સ હતાં, પણ બીજા ભાગમાં જિમીને અપંગ બતાવાયાં છે. બીજા ભાગમાં સાહેબને છોડી બીવી એટલે કે માહી ગિલ આગળ નિકળી જાય છે અને તમામ સૂત્રો પોતાના હાથોમાં લઈ લે છે. સાહેબ પોતાની વ્હીલચૅરમાં બેસી માત્ર પોતાની બીવીના ઇશારે ચાલે છે. માહી ગિલ ઇરફાન ખાન સાથે પણ અનેક હૉટ સીન્સમાં દેખાશે.
બીજી બાજુ સોહા અલી ખાન પણ ઇરફાન ખાન સાથે અનેક હૉટ સીન્સમાં દેખાશે. ફિલ્મમાં માહી ગિલે એક સત્તાભૂખ્યા રાજકારણીની ભૂમિકા ભજવી છે. પ્રથમ ભાગ કરતાં બીજો ભાગ ઘણો આગળ નીકળી ગયો છે. જિમી શેરગિલે જણાવ્યું કે પ્રથમ ભાગમાં તેમને માહી ગિલ સાથે સેક્સ સીન્સ કરવામાં થોડીક મુશ્કેલીઓ આવી હતી અને તેઓ નર્વસ થઈ ગયા હતાં, પણ બીજા ભાગમાં એક અપંગનો રોલ તથા તેના અહેસાસને ભજવાવમાં તેમને વધુ મુશ્કેલીઓ આવી. માહી ગિલ સાથે કમ્પીટ કરવા આ વખતે સોહા અલી ખાન પણ ફિલ્મમાં શામેલ કરાયાં છે, પરંતુ છતાં આખી ફિલ્મ માહીના કૅરેક્ટરની આજુબાજુ ફરતી જણાય છે.