ઈદ પર બિયર પીતો ફોટો પોસ્ટ કરવા પર સૈફનો પુત્ર થયો ટ્રોલ
સોશિયલ મીડિયા ટ્રોલર્સે ઈબ્રાહિમને એક ફોટો પોસ્ટ કરવા પર નિશાના પર લીધો છે. ઈબ્રાહિમે ઈદ પર બિયર પીતો એક ફોટો શેર કર્યો હતો જે લોકોને બહુ ખાસ પસંદ ન પડ્યો અને તેને ટ્રોલ કરવા લાગ્યા.
બોલિવુડ અભિનેતા સૈફ અલી ખાન ભલે પોતે લાઈમલાઈટથી દૂર રહે પરંતુ તેના બાળકો હંમેશા સમાચારોમાં ચમકતા રહે છે. અત્યાર સુધી તો માત્ર તેનો નાનો દીકરો તૈમુર અને દીકરી સારા ચર્ચામાં હતા પરંતુ હવે તેનો મોટો પુત્ર ઈબ્રાહિમ પણ સમાચારોમાં છવાઈ ગયો છે. સોશિયલ મીડિયા ટ્રોલર્સે ઈબ્રાહિમને એક ફોટો પોસ્ટ કરવા પર નિશાના પર લીધો છે. ઈબ્રાહિમે ઈદ પર બિયર પીતો એક ફોટો શેર કર્યો હતો જે લોકોને બહુ ખાસ પસંદ ન પડ્યો અને તેને ટ્રોલ કરવા લાગ્યા.
બિયર સાથે ઈદ પર પોસ્ટ કર્યો ફોટો
સૈફ અલી ખાન અને અમૃતા સિંહનો પુત્ર ઈબ્રાહિમ પોતાના એક ફોટાના કારણે ટ્રોલ થઈ ગયો છે. ઈબ્રાહિમે પોતાના ઈન્સ્ટાગ્રામ એકાઉન્ટ પર ઈદના દિવસે એક ફોટો શેર કર્યો હતો. આ ફોટોમાં ઈબ્રાહિમ પુલમાં બેઠો છે અને હાથમાં એક કેન પકડ્યુ છે જે થેચર્સ ગોલ્ડ બિયર છે. ઈદના પ્રસંગે બિયર પીવા પર સોશિયલ મીડિયાએ ઈબ્રાહિમની ક્લાસ લઈ લીધી છે.
સોશિયલ મીડિયા યુઝર્સે લગાવી ક્લાસ
ઈદના દિવસે 17 વર્ષના ઈબ્રાહિમનો આ ફોટો તેના ફેન્સને ના ગમ્યો. સોશિયલ મીડિયા યુઝર્સે તેને ઈદના દિવસે દારૂને હાથ લગાવવા પર ખરુ ખોટુ સંભળાવ્યુ. યુઝર્સે લખ્યુ કે તેને શરમ આવવી જોઈએ કે તે ઈદના દિવસે દારૂ પી રહ્યો છે. કેટલાકે ઈબ્રાહિમને પૂછ્યુ કે ઈદ મનાવવાની આ કેવી રીત છે. વળી, કેટલાક યુઝર્સને ઈબ્રાહિમના આ ફોટાથી કોઈ પ્રોબ્લેમ નહોતો.
બહેન સારા ફિલ્મોમાં ડેબ્યુ કરવા જઈ રહી છે
ઈબ્રાહિમના ફેન્સે લખ્યુ આ ફોટામાં તે એકદમ પોતાના પિતાની જેમ લાગી રહ્યો છે. તમને જણાવી દઈએ કે ઈબ્રાહિમ હજુ અભ્યાસ કરી રહ્યો છે. જ્યારે તેની બહેન સારા થોડાક સમયમાં બોલિવુડમાં ડેબ્યુ કરવા જઈ રહી છે. સારા અલી ખાન સુશાંત સિંહ રાજપૂત સાથે ‘કેદારનાથ' ફિલ્મથી બોલિવુડમાં ડેબ્યુ કરવા જઈ રહી છે. વળી, તે રણવીર સિંહ સાથે રોહિત શેટ્ટીની ફિલ્મ ‘સિંબા' પણ કરી રહી છે.