સંજય દત્તની પત્ની માન્યતાએ પાછી આપી 100 કરોડની સંપત્તિ, પતિ પાસેથી મળી હતી ભેટ

મુંબઈઃ સંજય દત્તે પોતાની પત્ની માન્યતા દત્તને ભેટ રુપે ચાર ફ્લેટ્સ ગિફ્ટ કર્યા હતા જેને એક સપ્તાહની અંદર માન્યતાએ પાછા આપી દીધા છે. માનવામાં આવે છે કે ઘણીવાર પ્રોપ્રટીનો ઉપયોગ ગિફ્ટ માટે કરવામાં આવે છે પરંતુ ગિફ્ટમાં આપેલી પ્રોપર્ટી પાછી આપવી ખૂબ વિચિત્ર વાત છે. જો કે માનવામાં આવી રહ્યુ છે કે માન્યતાએ પેપર્સમાં થયેલી કોઈ ભૂલના કારણે કર્યુ છે અથવા ટેક્સ માટે કોઈ મુશ્કેલીના કારણે આ પગલુ લેવુ પડ્યુ છે.

Imperial Heightsમાં ચાર ફ્લેટ

આ ફ્લેટ Imperial Heights નામની બિલ્ડિંગમાં છે જેને સિરાજ લોખંડવાલાએ બનાવ્યો છે. આ બિલ્ડિંગ મૂળ રીતે સુનીલ દત્તના પ્રોપર્ટી હતી જેને સોસાયટીમાં ફેરવી દેવામાં આવી છે. માટે સંજય દત્તના પરિવારને બિલ્ડિંગમાં શેરના નામ પર આ ચાર ફ્લેટ્સ આપવામાં આવ્યા છે જેને સંજયે ભેટ તરીકે માન્યતાના નામે કરી દીધા હતા.

ડિસેમ્બર 2020માં આપી હતી ભેટ

સંજય દત્તે માન્યતાને આ ભેટ ડિસેમ્બર 2020માં આપી છે જેના એક સપ્તાહની અંદર જ માન્યતાએ આ ચારે ફ્લેટ પાછા આપી દીધા. મનીકંટ્રોલ ડૉટ કૉમ પાસે આ બંને ડૉક્યુમેન્ટ્સની કૉપી છે.

દિલનશીનના નામે છે પ્રોપર્ટી

માન્યતા નહિ પરંતુ દિલનશીનના નામે ગિફ્ટ આપવામાં આવી હતી. દિલનશીન માન્યતા દત્તનુ અસલી નામ છે. ચારે ફ્લેટનુ રજિસ્ટ્રેશન 500 રૂપિયા સાથે દિલનશીનના નામે કરવામાં આવ્યુ હતુ. આ ફ્લેટ્સમાં 15 કારની પાર્કિંગ સ્પેસ અને 2 ઓપન પાર્કિંગ પણ શામેલ છે. પાર્કિંગ ગ્રાઉન્ડ અને લોવર ગ્રાઉન્ડ ફ્લોર હાજર છે. આ બધી માહિતી, આ ડૉક્યુમેન્ટ્સમાં શામેલ છે.

ખૂબ જ મોટા છે ફ્લેટ

એક બ્રોકરની માનીએ તો દરેક ફ્લેટ 3000 વર્ગ ફૂટમાં ફેલાયેલો છે અને પ્રતિ વર્ગ ફૂટ તેની કિંમત 95 હજારથી 1 લાખ રૂપિયા સુધીની છે. એક ફ્લેટના ભાડાની કિંમત 6-7 લાખ રૂપિયા પ્રતિ મહિના છે. આ પ્રોપર્ટી એક નાની હીલ પર સ્થિત છે અને માટે ઉંચાઈ પરથી આખા શહેરનો વ્યૂ અહીંના અપાર્ટમેન્ટથી શાનદાર રીતે મળે છે.