પોલિસગિરીની ગાંધીગિરી, ઉત્તરાખંડ પીડિતોને આપશે પૈસા
અભિનેતા સંજય દત્તના જીવનનું એક પાસું તેમનું દબંગ રૂપ છે તો એક સચ્ચાઇ એ પણ છે કે તે એકદમ કરૂણાપ્રિય વ્યક્તિ છે જે દરેકને મદદ કરવા માટે તૈયાર રહે છે. એવું ઘણીવાર બન્યું છે કે સંજૂબાબાએ દરિયાદિલીથી લોકોની મદદ કરી હોય. આજે ભલે તે જેલના સળિયા પાછળ હોય પરંતુ તેમની અંદર ભાવનાઓ પર કોઇ અંકુશ નથી.
ત્યારે તો જેલમાં રહેવા છતાં પણ સંજય દત્તે પોતાની આગામી ફિલ્મ પોલિસગિરીના નિર્માતા રાહુલ અગ્રવાલને દરખાસ્ત કરી છે કે તે પોતાની ફિલ્મ પોલિસગિરીનું પ્રીમિયર દુબઇમાં ના કરે. તે પૈસા બચાવીને તે ઉત્તરાખંડના પૂરગ્રસ્તોને મોકલી આપે. એનાથી કદાચ ઉત્તરાખંડના લોકોનું ભલું થશે. સંજય દત્તે આ વાત પોતાની પત્ની માન્યતા દત્તને પત્રના માધ્યમથી કહી હતી, જેને માન્યતાએ રાહુલ અગ્રવાલ સુધી પહોંચાડી છે.
અત્રે ઉલ્લેખનીય છે કે 5 જૂલાઇના રોજ રિલિજ થનારી ફિલ્મ પોલિસગિરીનું પ્રમોશન તેમની પત્ની માન્યતા દત્ત કરી રહી છે. ફિલ્મમાં સંજય દત્તની સાથે પ્રાચી દેસાઇ અને પ્રકાશ રાજ છે. મુંબઇયા સ્ટાઇલની ફિલ્મ પોલિસગિરીના નિર્દેશક એસ રવિકુમાર જે સંજય દત્તથી ખૂબ પ્રભાવિત છે અને તેમને દરેક પ્રમોશન ઇવેન્ટમાં વારંવાર કહ્યું છે કે સંજૂ બાબા જે ફિલ્મના હીરો છે, જેલ જતાં પહેલાં તેમની ઇચ્છા હતી કે તેમની આ ફિલ્મ સો કરોડના ક્લબમાં સામેલ થઇ જાય.
ઉત્તરાખંડ પૂરગ્રસ્તોની મદદ
અભિનેતા સંજય દત્ત પોલિસગિરીની સ્પેશિયલ સ્ક્રીનિંગમાં ખર્ચ થનાર પૈસાને ઉત્તરાખંડમાં પૂરગ્રસ્તોને મોકલ્યા.
સો કરોડનો બિઝનેસ
સંજય દત્તની દિલથી ઇચ્છા હતી કે તેમની આ ફિલ્મ પોલિસગિરી બોક્સઓફિસ પર સો કરોડનો બિઝનેસ કરે.
સંજય દત્ત સારા વ્યક્તિ
ફિલ્મના નિર્દેશક રવિકુમાર સંજય દત્તના સૌથી મોટા ફેન છે, તેમને સંજૂબાબાને એક સારા વ્યક્તિ ગણાવ્યા છે.
પ્રાચી દેસાઇ સાથે રોમાન્સ
સંજય દત્ત સાથે પોલિસગિરીમાં પ્રાચી દેસાઇ અભિનેત્રી છે તો પ્રકાશ રાજ ફિલ્મમાં વિલનનો રોલ ભજવી રહ્યાં છે.
પરિવાર કરી રહ્યો છે પ્રમોશન
પોલિસગિરીનું પ્રમોશન સંજય દત્તની ગેરહાજરીમાં પત્ની માન્યતા દત્ત, બહેન પ્રિયા દત્ત અને બનેવી કુમાર ગૌરવ કરી રહ્યાં છે.