શોલે 3ડીને જોઇએ ફોર વીક વિંડો, જાન્યુઆરીમાં થશે રિલીઝ
મુંબઈ, 10 ઑક્ટોબર : 1975ની સુપરહિટ ફિલ્મ શોલેની 3ડી આવૃત્તિ શોલે 3ડી જાન્યુઆરી 2014માં રિલીઝ થવાની શક્યતા છે. અગાઉ આ ફિલ્મ અમિતાભ બચ્ચનના 71મા જન્મ દિવસે 11મી ઑક્ટોબરે રિલીઝ થવાની હતી, પરંતુ ફિલ્મ નિર્માતા પોતાની ફિલ્મ માટે ફોર વીક વિંડો માંગે છે.
ફિલ્મના રજુઆતકર્તા જયંતીલાલ ગડાએ એક નિવેદનમાં જણાવ્યું - અમે ફિલ્મ માટે થિયેટરો પાસે ચાર અઠવાડિયાનો સમય આપવાનો અનુરોધ કર્યો છે. હજી આ અંગે વાતચીત ચાલી રહી છે. શક્ય છે કે આવતા વર્ષે જાન્યુઆરીમાં ફિલ્મ રિલીઝ થઈ જશે.
શોલે ફિલ્મના 3ડી પ્રોજેક્ટ ઉપર ત્રણ વર્ષનો સમય લાગ્યો છે. ગડાએ જણાવ્યું - આ એક જૂની ફિલ્મ છે. અમે ફિલ્મ માટે એક વીક નથી માંગતા. જોકે શોલે 3ડી ફિલ્મ હાલ ચેન્નઈ એક્સપ્રેસ જેમ ધડાકાભેર શરુઆત કરનાર ફિલ્મો જેવી નથી. રમેશ શિપ્પી દિગ્દર્શિત શોલે ભારતીય સિનેમામાં ખૂબ જ ઉંચો મુકામ ધરાવે છે. ફિલ્મમાં ધર્મેન્દ્રે વીરૂ, અમિતાભ બચ્ચને જય, હેમા માલિનીએ બસંતી તથા અમઝદ ખાને ગબ્બર સિંહનો યાદગાર રોલ કર્યો હતો.