દીપિકા ભડકી : સિદ્ધાર્થની ગિફ્ટ્સ પર નિર્ભર નથી
મુંબઈ, 5 નવેમ્બર : ફરી એક વાર અભિનેત્રી દીપિકા પાદુકોણે તેમજ સિદ્ધાર્થ માલ્યાની લવ સ્ટોરીની ચર્ચામાં છે. તેથી ભડકી દીપિકાએ જણાવ્યું છે - હું એ લોકોની વાતોથી દુઃખી છું કે જેમણે મારા વિશે જણાવ્યું છે કે હું સિદ્ધાર્થ માલ્યા દ્વારા અપાયેલ ગિફ્ટ્સ ઉપર જીવું છું અને મુંબઈનું મારું ઘર મને સિદ્ધાર્થે આપ્યું છે. આ ઘર મેં પોતાની કમાણીમાંથી ખરીદ્યુ છે. મારી આ કમાણી મારા દિવસ-રાતની મહેનતની છે.
દીપિકાએ જણાવ્યું - મારા ફિલ્મોમાં કામ કરતાં અગાઉ પણ ઘરની પરિસ્થિતિ સારી હતી. તેથી જો હું ના કમાવું, તો મારું ઘર નહિં ચાલે, એમ કહેવું બકવાસ છે. હું અને સિદ્ધાર્થ સારા મિત્રો છીએ. તેનો એ મતલબ નથી કે હું સિદ્ધાર્થ ઉપર નિર્ભર છું.
નોંધનીય છે કે તાજેતરમાં સમાચારો આવ્યા હતાં કે મુંબઈમાં દીપિકાએ જે ઘર ખરીદ્યું છે, તે હકીકતમાં સિદ્ધાર્થ માલ્યાની ગિફ્ટ છે કે જે તેમણે પોતાની કથિત પ્રેમિકા દીપિકા પાદુકોણેને ગિફ્ટમાં આપ્યું છે. આ સાંભળ્યા બાદ દીપિકા ગુસ્સે ભરાયાં છે.