સેક્સ બૉમ્બ પર ભારે પડી ચાંદની

મુંબઈ, 5 ઑક્ટોબર : આજે બૉલીવુની બે હસીનાઓની ફિલ્મો સોનેરી પડદે ઉતરી છે. એક છે બૉલીવુડની ચાંદની શ્રીદેવીની ઇંગ્લિશ વિંગ્લિશ તથા બીજી છે સેક્સ બૉમ્બ મલ્લિકા શેરાવતની કિસ્મત લવ પૈસા દિલ્લી. (કેએલપીડી), પરંતુ મલ્લિકાની કામણગારી અદાઓ શ્રીદેવીના ભારેખમ અભિનય સામે ફીકાં પડી ગયાં છે. બંને જ ફિલ્મોના દર્શકો સાથે જ્યારે અમે વાત કરી તો જાણવા મળ્યું કે મલ્લિકા પર આજે પણ શ્રીદેવી જ ભારે છે.

લોકોને ઇંગ્લિશ વિંગ્લિશ ખૂબ જ પસંદ આવી રહી છે. એક દર્શકે વનઇન્ડિયાને જણાવ્યું કે ઘણાં દિવસો પછી એક ફૅમિલી ફિલ્મ જોવા મળી છે કે જેને આપ પોતાના પરિવાર સાથે વારંવાર જોવા માંગશો. જ્યારે મલ્લિકાની ફિલ્મ કેએલપીડી વિશે તેણે જણાવ્યું કે જો મારી સામે બંને ફિલ્મોના વિકલ્પ હોય તો હું શ્રીદેવીની ઇંગ્લિશ વિંગ્લિશની પસંદગી કરીશ કારણ કે તે પર્ણત્વે મનોરંજન કરનાર ફિલ્મ છે કે જે માત્ર ચેહરા ઉપર સ્મિત જ લાવે છે.

આપને જણાવી દઇએ કે ઇંગ્લિશ વિંગ્લિશના દિગ્દર્શક ગૌરી શિંદે અને નિર્માતા આર. બાલ્કી છે. ફિલ્મ એક એવી સ્ત્રીની વાર્તા છે કે જેને અંગ્રેજી નથી આવડતું, પરંતુ તે પોતાની મહેનતના બળે પોતાના બાળકો માટે અંગ્રેજી શીખે છે.

તો બીજી બાજુ કેએલપીડીમાં લાંબેગાળે વિવેક ઓબેરૉય પડદાં ઉપર પરત ફર્યો છે. ફિલ્મમાં તેની અભિનેત્રી મલ્લિકા શેરાવત છે. આ એક કૉમેડી થ્રિલર ફિલ્મ છે. ફિલ્મમાં વિવેક રોડ રોમિયોની ભૂમિકામાં છે કે જેનું નામ કામ માત્ર છોકરીઓને પટાવવાનું જ હોય છે, તો મલ્લિકા પોતાની જુની ફિલ્મોની જેમ આ ફિલ્મમાં પણ એક સેક્સી બાળા જ બની છે કે જેને માત્ર અંગ પ્રદર્શન માટે જ ફિલ્મમાં રાખવામાં આવી છે.

English summary

Sridevi's English Vinglish is better than Mallika Sherawat's Kismat Love Paisa Delhi said Audience.