વર્ષ 2020માં ઈન્ટરનેટ પર સૌથી વધુ સર્ચ કરાયા સુશાંત સિંહ, આ હસ્તીઓ પણ લિસ્ટમાં શામેલ

નવી દિલ્લીઃ વર્ષ 2020માં પોતાના અંતિમ પડાવ પર પહોંચી ગયુ છે. ડિસેમ્બર મહિનાની શરૂઆત સાથે જ આવતા વર્ષની રાહ જોવાની શરૂ થઈ ગઈ છે. આ વર્ષ આખી દુનિયા માટે અત્યાર સુધીનુ સૌથી મુશ્કેલ વર્ષ રહ્યુ છે. કોરોના મહામારીના કારણે લાખો લોકોના જીવ જતા રહ્યા, કરોડો લોકો આ સંક્રમણની ચપેટમાં આવ્યા. આ વર્ષે કોરોના ઉપરાંત ઘણી એવી ઘટનાઓ થઈ જેણે ઘણુ બધુ બદલી દીધુ. આ વર્ષે ફિલ્મ ઈન્ડસ્ટ્રીની ઘણી હસ્તીઓએ દુનિયાને અલવિદા કહી દીધી. આમાં જે મોટા નામ શામેલ છે તે સુશાંત સિંહ રાજપૂત, ઈરફાન ખાન, ઋષિ કપૂર છે. પરંતુ આ બધામાં સુશાંત સિંહ રાજપૂતનુ મોત સૌથી વધુ ચર્ચામાં રહ્યુ.

ઈન્ટરનેટ પર સૌથી વધુ સુશાંતને કરવામાં આવ્યા સર્ચ

સુશાંત સિંહ રાજપૂતને ફિલ્મ જગતનો મોટો સ્ટાર માનવામાં આવતો હતો પરંતુ જે રીતે 14 જૂને અચાક સુશાંત સિંહ રાજપૂતનુ શબા તેના ફ્લેટમાં મળ્યુ તેણે દરેકને સ્તબ્ધ કરી દીધા. આ જ કારણ છે કે યાહૂ ઈન્ડિયાની સર્ચમાં સુશાંત સિંહ રાજપૂતને સૌથી વધુ સર્ચ કરવામાં આવ્યા. વર્ષ 2020માં સુશાંત સિંહ સૌથી વધુ સર્ચ કરાયેલી હસ્તી બન્યા. આ સર્ચ લિસ્ટમાં સુશાંતની ગર્લફ્રેન્ડ રિયા ચક્રવર્તીનુ નામ પણ શામેલ છે. સુશાંતના મોત બાદ રિયાનુ નામ ઘણુ છવાયેલુ રહ્યુ. તેના પર સુશાંતને આત્મહત્યા માટે ઉકસાવવા, ડ્રગ્ઝ પહોંચાડવાનો આરોપ લાગ્યો.

આ હસ્તીઓને પણ લોકોએ ખૂબ જ કરી સર્ચ

વર્ષ 2020માં યાહૂ પર સૌથી વધુ સર્ચ કરાયેલ હસ્તીઓમાં પ્રધાનમંત્રી નરેન્દ્ર મોદી, રાહુલ ગાંધી,અમિતાભ બચ્ચન, કંગના રનોતનુ નામ પણ શામેલ છે. આ હસ્તીઓને પણ ઈન્ટરનેટ પર લોકોએ ખૂબ સર્ચ કરી. યાહૂની જે લિસ્ટ સામે આવી છે તે અનુસાર સુશાંત સિંહ રાજપૂત બાદ સૌથી વધુ અમિતાભ બચ્ચનને સર્ચ કરવામાં આવ્યા. ત્યારબાદ અક્ષય કુમાર, સલમાન ખાનનો નંબર આવે છે. જ્યારે ઈરફાન ખાનનો નંબર પાંચમાં સ્થાને છે. ટૉપ 5માં સુશાંત સિંહ રાજપૂત, અમિતાભ બચ્ચન, અક્ષય કુમાર, સલમાન ખાન, ઈરફાન ખાન બાદ આ લિસ્ટમાં ઋષિ કપૂર, એસપી બાલાસુબ્રમણ્યમ, સોનૂ સૂદ, અનુરાગ કશ્યપ, અલ્લૂ અર્જૂનનુ નામ આવે છે. આ હસ્તીઓને પણ લોકોએ ઈન્ટરનેટ પર ખૂબ સર્ચ કરી.

મહિલા હસ્તીઓમાંથી આને કરવામાં આવી સૌથી વધુ સર્ચ

જો કોઈ મહિલા ફિલ્મી હસ્તીઓની વાત કરીએ તો સૌથી વધુ સુશાંતની ગર્લફ્રેન્ડ રિયા ચક્રવર્તીને લોકોએ ખૂબ જ સર્ચ કરી. ત્યારબાદ કંગના રનોત, દીપિકા પાદુકોણનો નંબર આવે છે. વળી, સની લિયોન આ લિસ્ટમાં ચોથા સ્થાને છે. ત્યારબાદ આ લિસ્ટમાં પ્રિયંકા ચોપડા, કેટરીના કૈફ, નેહા કક્કડ, કનિકા કપૂર, કરીના કપૂર ખાન અને સારા અલી ખાનનુ નામ શામેલ છે.