ભારતીય ફિલ્મ ઈન્ડસ્ટ્રીમાં સેક્સ્યુઅલ હેરેસમેન્ટ પર તાપસીએ તોડ્યુ મૌન
ગયા વર્ષે શરૂ થયેલા #MeToo કેમ્પેઈનમાં એક તરફ હોલિવુડ અભિનેત્રીઓએ ઈન્ડસ્ટ્રીમાં થતા સેક્સ્યુઅલ હેરેસમેન્ટના વિરોધમાં અવાજ ઉઠાવ્યો ત્યાં બીજી તરફ બોલિવુડ અભિનેત્રીઓએ હજુ સુધી આના પર મૌન ધારણ કરેલુ છે.
ગયા વર્ષે શરૂ થયેલા #MeToo કેમ્પેઈનમાં એક તરફ હોલિવુડ અભિનેત્રીઓએ ઈન્ડસ્ટ્રીમાં થતા સેક્સ્યુઅલ હેરેસમેન્ટના વિરોધમાં અવાજ ઉઠાવ્યો ત્યાં બીજી તરફ બોલિવુડ અભિનેત્રીઓએ હજુ સુધી આના પર મૌન ધારણ કરેલુ છે. મોટાભાગની બોલિવુડ અભિનેત્રીઓ આ અંગે ચૂપ છે પરંતુ તાપસી પન્નૂ એમાંની નથી. તાપસીએ કહ્યુ છે કે ભારતીય ફિલ્મ ઈન્ડસ્ટ્રીમાં પણ સેક્સ્યુઅલ હેરેસમેન્ટ થાય છે પરંતુ અભિનેત્રીઓ ખુલીને આના વિશે બોલી નથી શકતી.
‘મારી સાથે નથી થયુ સેક્સ્યુઅલ હેરેસમેન્ટ’
તાપસીએ કહ્યુ કે "તેણે ખુદ સેક્સ્યુઅલ હેરેસમેન્ટના સમાચાર સાંભળ્યા છે પરંતુ સ્ટાર્સ આ વિશે અસહજતા અનુભવે છે." તાપસીએ કહ્યુ, "એવુ નથી કે સેક્સ્યુઅલ હેરેસમેન્ટ નથી થતુ. તે ચોક્કસ થાય છે. હું આના વિશે જાણુ છુ કારણકે એ લોકો પાસેથી આના વિશે સાંભળ્યુ છે. વળી, લોકો ખુલીને આ વિશે વાત નથી કરતા કારણકે આની સાથે ઘણી વાતો સંકળાયેલી છે." તાપસીએ કહ્યુ કે તેણે ક્યારેય પોતાના જીવનમાં સેક્સ્યુઅલ હેરેસમેન્ટનો સામનો નથી કર્યો.
‘લોકો પીડિત પર જ ઉઠાવે છે સવાલ’
તાપસીનું કહેવું છે કે સેક્સ્યુઅલ હેરેસમેન્ટનો શિકાર વ્યક્તિ ખુલીને વાત કરતા ડરે છે. તેણે કહ્યુ કે, "તેને એવુ લાગે છે કે તેણે જિંદગીમાં, કેરિયરમાં જે કંઈ પણ કમાયુ છે, આ બધુ ખબર પડી ગયા બાદ લોકો તેને સપોર્ટ નહિ કરે. લોકોને લાગશે કે આ સસ્તી લોકપ્રિયતાનો એક પ્રકાર છે. તેમના કામ કરવાના પ્રકાર અને કેરેક્ટર પર સવાલ ઉભા કરવામાં આવશે." તાપસીએ આગળ કહ્યુ કે "ત્યારબાદ લોકો તેને શંકાની નજરે જોવા લાગે છે."
‘એકલી છોકરીઓ સૌથી વધુ લાચાર’
"લોકોને લાગે છે કે પીડિત આ બધી વાતો પોતાના ફાયદા માટે કરે છે. ખાસ કરીને એ છોકરીઓ વિશે આવુ કહેવામાં આવે છે જેમનો પરિવાર અહીં નથી. જેને સપોર્ટ કરવાવાળુ અહીં કોઈ નથી. એટલા માટે કદાચ અસુરક્ષાની આ ભાવના તેમને ખુલીને બોલવાથી રોકે છે." ‘બેબી' અને ‘પિંક' જેવી ફિલ્મોમાં પોતાના દમદાર અભિનયથી લોકોને પ્રભાવિત કરનારી તાપસી પન્નુની આ વર્ષે ત્રણ ફિલ્મો ‘મુલ્ક', ‘મનમર્જિયાં' અને ‘સૂરમા' રિલીઝ થવા જઈ રહી છે.