ઓ તેરી ફિલ્મમાં દેખાશે સારા જેન ડિયાઝ
મુંબઈ, 10 મે : અભિનેત્રી સારા જેન ડિયાઝ નિર્માતા અતુલ અગ્નિહોત્રીની ફિલ્મ ઓ તેરીમાં નજરે પડશે. તેઓ બૉલીવુડની મોટી હસ્તીઓ સાથે કામ કરવાની તક મળતાં ખુશ છે.
અભિષેક બચ્ચન સાથે ગેમ ફિલ્મ દ્વારા બૉલીવુડમાં કૅરિયરની શરુઆત કરનાર સારાએ તે પછી એકતા કપૂરની ક્યા સુપર કૂલ હૈં હમ ફિલ્મમાં કામ કર્યુ હતું. તેમાં રીતેશ દેશમુખ અને તુષાર કપૂર પણ હતાં.
ઑલ ઇન્ડિયા ઍચીવર્સ ઍવૉર્ડ પ્રસંગે 30 વર્ષીય સારા જેન ડિયાઝે જણાવ્યું - હું પોતાની ત્રીજી બૉલીવુડ ફિલ્મ ઉપર કામ કરી રહુ છું. તે અતુલની નવી ફિલ્મ ઓ તેરી છે અને હું તેની રિલીઝનો ઇંતેજાર કરી રહી છું.
સારા જેન ડિયાઝે જણાવ્યું - ઓ તેરી ફિલ્મનું શૂટિંગ અદ્ભુત રહ્યું. હું હમણા તે અંગે કંઇ કહી શકું એમ નથી. હું ખૂબ જ ભાગ્યશાળી છું કે મને મોટા અભિનેતાઓ તેમજ નિર્માતાઓ સાથે કામ કરવાની તક મળી છે.
ઓ તેરી ફિલ્મમાં સારા જેન ડિયાઝ અભિનેતા પુલકિત સમ્રાટ સાથે નજરે પડશે.