હવે પંજાબી મુંડાઓના દિલ જીતશે વીણા મલિક
ચંડીગઢ, 13 ડિસેમ્બર : બી ટાઉન દબંગ અભિનેત્રી વીણા મલિક પોતાનો જાદુઈ સૌંદર્ય સમગ્ર ભારતમાં પાથરી રહ્યાં છે. વીણા હવે પોતાના લટકાં-ઝટકાં દ્વારા પંજાબી મુંડાઓનો દિલ જીતવાની તૈયાર છે. તેઓ ક્ષિતિજ ચૌધરીની પંજાબી ફિલ્મ જટ્ટ્સ ઇન ગોલમાલમાં ખાસ રોલમાં દેખાશે. ફિલ્મમાં આર્ય બબ્બર મુખ્ય ભૂમિકા ભજવી રહ્યાં છે.
વીણા મલિકે જણાવ્યું - પંજાબ ખૂબ જ લવલી સ્થળ છે અને અહીંના લોકો બહુ જ મનોહર છે. પંજાબ મારા ઘર જેવું છે અને પંજાબી એક ખૂબ જ સુંર ભાષા છે. મને પંજાબી ભાષા બોલવી ગમે છે.
વીણાએ જણાવ્યું - હું મારી આગામી ફિલ્મ ધ સિટી ધૅટ નેવર સ્લિપ્સ માટે જ નહીં, પણ મારી તમામ ફિલ્મોના પ્રમોશન માટે ચોક્કસ પંજાબ આવીશ. આ ફિલ્મના દિગ્દર્શક છે હારૂન રશીદ અને નિર્માતા છે સતીશ રેડ્ડી. વીણાએ જણાવ્યું કે હું પંજાબી લોકોના સ્નેહની વર્ષા અનુભવી રહી છું અને તે માટે પોતાને ભાગ્યશાળી સમજુ છું.
પાકિસ્તાની અભિનેત્રી વીણા મલિક હાલ ચંડીગઢમાં શુટિંગની મસ્તીમાં છે અને પંજાબની કોલ્ડ મોસમના રંગે રંગાયેલાં છે. વીણાએ જણાવ્યું - હું પંજાબના લોકો તરફથી મળેલ સ્નેહ માટે હૃદયપૂર્વક આભારની લાગણી અનુભવુ છું.