રિલીઝ પહેલા જ 200 કરોડની કમાણી, આને કહેવાય સુપરસ્ટાર..
રજનીકાંતની ફિલ્મ કબાલી 22 જુલાઇએ દેશભરમાં રિલીઝ થઈ ચુકી છે. રજનીકાંતની દરેક ફિલ્મની જેમ આ ફિલ્મનું પણ ધમાકેદાર સ્વાગત કરવામાં આવ્યા છે. રજનીકાંતના ફેન્સની ધૂમ આખા દેશભરમાં જોવા મળી રહી છે. આ વાતમાં કોઈ જ શંકા નથી કે આ ફિલ્મ એક સુંદર ઓપનર સાબિત થશે. ( Read: કબાલી ફિલ્મ માટે આજે ચેન્નાઈ અને બેંગ્લોરની કંપનીઓમાં રજા... )
ખાસ વાત તો એ કે કબાલી રિલીઝ પહેલા જ 200 કરોડની કમાણી કરી ચૂક્યું છે. રજનીકાંતની ફિલ્મ કબાલી દુનિયાભરના 3900 સ્ક્રીનમાં રિલીઝ થઈ ચુકી છે. આખા તામિલનાડુમાં આ ફિલ્મના રવિવાર સુધીના શો બૂક થઈ ચુક્યા છે.
ચેન્નાઈ અને બેંગ્લોરમાં સવારે 4 વાગ્યાથી શો શરૂ થઈ ચુક્યા છે અને બધા જ શો ફૂલ પણ થઈ ગયા છે. ઘણા દિવસની એડવાન્સ બૂકિંગ હોવા છતાં પણ લોકો ટિકિટ માટે આખી રાત લાઈનમાં જોવા મળ્યા હતા એ આશા સાથે કે ટિકિટ મળી જાય.
અમેરિકામાં લગભગ 400 સિનેમાઘરોમાં આ ફિલ્મ તામિલ અને તેલુગુ વર્ઝનમાં રિલીઝ કરવામાં આવી છે. ત્યાં છેલ્લા 3 અઠવાડિયાથી બૂકિંગ ચાલુ થઈ ચૂક્યું છે. આ ફિલ્મ તામિલ, તેલુગુ, હિન્દી, મલેશિયા, ચીની અને થાઈ ભાષામાં ડબ કરવામાં આવી છે.
કબાલી ફિલ્મ કુલ 160 કરોડના ખર્ચે બની છે. આ ફિલ્મે રિલીઝ પહેલા જ સેટેલાઇટ રાઈટ્સ અને ડિસ્ટ્રીબ્યુશન રાઈટ્સ વેચીને કુલ 200 કરોડની કમાણી કરી લીધી છે.